१७ वर्षांखालील मुली-मुलांचे आणि १९ वर्षांखालील मुलांच्या संघाने तालुकास्तरीय स्पर्धेत मिळविला प्रथम क्रमांक
प्रतिनिधी : जिल्हा क्रीडा अधिकारी, यवतमाळ व पंचायत समिती घाटंजी यांच्या संयुक्त विद्यमाने आयोजित तालुकास्तरीय बॅडमिंटन स्पर्धेत येथील एस.पी.एम. इंग्लिश मीडियम स्कूलच्या विद्यार्थ्यांनी उल्लेखनीय कामगिरी केली. १७ वर्षांखालील मुली व मुलांचा तसेच १९ वर्षांखालील मुलांचा संघ विजयी ठरला असून या तिन्ही संघांची जिल्हास्तरीय बॅडमिंटन स्पर्धेसाठी निवड झाली आहे.
या स्पर्धेसाठी विद्यार्थ्यांना सुहास दिकुंडवार व सुनील आडे यांचे मार्गदर्शन लाभले. विद्यार्थ्यांनी उत्कृष्ट खेळाचे प्रदर्शन करत विजय मिळविल्याबद्दल शाळेच्या वतीने त्यांचे अभिनंदन करण्यात आले.
यशस्वी विद्यार्थ्यांचे संस्थेचे अध्यक्ष जे. जे. गिलानी, उपाध्यक्ष अल्ताफ गिलानी, सचिव अनिरुद्ध लोणकर, संचालिका आलिया शहजाद, माजी प्राचार्य डॉ. एम. ए. शहजाद, मुख्याध्यापक संजय ताजने तसेच सर्व शिक्षक व शिक्षकेतर कर्मचाऱ्यांनी कौतुक करून जिल्हास्तरीय स्पर्धेसाठी शुभेच्छा दिल्या.
