साडेसतरा नळी, हडपसर येथे सांस्कृतिक, सामाजिक आणि धार्मिक कार्यक्रमांचे आयोजन
हडपसर, साडेसतरा नळी (प्रतिनिधी) : दरवर्षीप्रमाणे यंदाही हडपसर येथील साडेसतरा नळी परिसरातील अष्टविनायक नवरात्र उत्सव मंडळाने नवरात्र उत्सवाची जय्यत तयारी सुरू केली आहे. मंडळाच्या सर्वसाधारण सभेत युवा वर्गाला एकत्र करून नवरात्र उत्सव उत्साहात साजरा करण्याचा निर्णय घेण्यात आला असून, मंडळातील वरिष्ठ कार्यकर्त्यांनी युवा कार्यकर्त्यांना पाठिंबा देत उत्सवाची जबाबदारी सोपविली आहे.
मंडळाचे संस्थापक अध्यक्ष तुषार तुकाराम मरळ तसेच वरिष्ठ कार्यकर्ते सागर देशमुख, सचिन कोकरे, संदीप भोसले, निलेश ऊके, अभिजीत शिळीमकर, बालाजी माने, दत्ता गावडे, अक्षय बनसोडे, नाना जगताप, सचिन भापकर, शेखर टिळेकर, विजय झांबरे, शैलेश शेलार, शिवा वाघ, दादा माने आदींनी युवा वर्गाला नवरात्र उत्सवाचे नियोजन व आयोजन करण्याची जबाबदारी दिली आहे.
यंदाच्या उत्सवात सांस्कृतिक कार्यक्रम, समाजोपयोगी उपक्रम, लहान मुलांसाठी संस्कार वर्ग, डान्स स्पर्धा, दांडिया तसेच ज्येष्ठ नागरिकांसाठी भजन-कीर्तन यांसारख्या विविध कार्यक्रमांचे आयोजन करण्यात येणार आहे.
युवा कार्यकारिणीच्या अध्यक्षपदी श्रेयश महारनोर, उपाध्यक्षपदी रोहन शेंडगे व ओम गायकवाड, खजिनदारपदी श्रीनिवास विटकर व सुशांत बनसोडे, कार्याध्यक्षपदी अभिषेक देशमुख व वेदांत शिंदे यांची निवड करण्यात आली आहे. तसेच सचिव व संघटक म्हणून गणेश शिवले, धीरज मस्के, वैभव धुमाळ, शुभम नागरे, विलास ढवळे, निशांत गावडे, हर्षद कायंदे, आदित्य सोनवणे आणि आर्यन चोरगे यांची निवड करण्यात आली आहे.
अष्टविनायक नवरात्र उत्सव मंडळाची स्थापना १९९५ मध्ये झाली असून मंडळाच्या माध्यमातून दरवर्षी विविध सामाजिक, सांस्कृतिक व धार्मिक उपक्रमांचे आयोजन केले जाते. यंदाच्या नवरात्र उत्सवासाठी युवा कार्यकर्त्यांमध्ये उत्साहाचे वातावरण असून उत्सव यशस्वी करण्यासाठी विविध नियोजन करण्यात येत आहे.
