भद्रावती
यशवंत शिंदे विद्यालय तथा कनिष्ठ महाविद्यालय चिचोर्डी भद्रावती येथे उच्च माध्यमिक शिक्षक म्हणून कार्यरत असलेले डॉ. प्रशांत कृष्णराव पाठक यांना आंतरराष्ट्रीय शिक्षक दिनानिमित्त विश्वात्मक साहित्य मराठी कट्टा या शासनमान्य संस्थांतर्गत राज्यस्तरीय शिक्षक रत्न पुरस्कार घोषित झाला आहे. हा पुरस्कार 11 ऑक्टोबर ला नाशिक मध्ये एका भव्य दिव्य अशा समारंभात दिल्या जाणार आहे.
या पुरस्कारासाठी अनेक मानांकन अर्ज आले होते त्यापैकी डॉ.प्रशांत पाठक यांचे मानांकन स्वीकारण्यात आले. त्यांनी केलेल्या शैक्षणिक सामाजिक संशोधन व
मानवी अधिकार संस्थे अंतर्गत केलेल्या सर्व कार्यांचा विचार करण्यात आला. यापूर्वी त्यांना आदर्श शिक्षक पुरस्काराने सन्मानित केलेले आहे. त्यांना प्राप्त झालेल्या या पुरस्कारामुळे त्यांचे महाविद्यालयाच्या वतीने व शहरातील अनेक लोकांकडून अभिनंदन होत आहे.
