सांगली-कोल्हापूर जिल्ह्यातील हौशी गायकांचा सहभाग; गीतांसोबत बहारदार नृत्याने रसिकांची मने जिंकली
प्रतिनिधी | कोल्हापूर
बॉलिवूडचे महानायक अमिताभ बच्चन यांच्या चित्रपटांतील अजरामर गीतांची सुरेल मैफल शाहू स्मारक येथे ९ ऑक्टोबर २०२६ रोजी सायंकाळी ५ वाजता आयोजित करण्यात आली होती. ‘सुपरस्टार कलासक्त अमिताभ बच्चन प्रेमी’ यांच्या वतीने आयोजित या कराओके संगीत कार्यक्रमाला रसिक प्रेक्षकांनी मोठ्या संख्येने उपस्थिती लावली.
कार्यक्रमाची सुरुवात उपस्थित गायकांच्या हस्ते सरस्वती पूजनाने करण्यात आली. यावेळी सांगली आणि कोल्हापूर जिल्ह्यांतील हौशी गायकांनी सहभाग घेत अमिताभ बच्चन यांच्या चित्रपटांतील लोकप्रिय गीतांचे सादरीकरण केले. एकापेक्षा एक सुरेल गाण्यांनी संपूर्ण सभागृहात जुन्या हिंदी चित्रपटगीतांचा माहोल निर्माण झाला.
राजन कारंजकर यांनी ‘ऊंची ऊंची बातों से’ हे गीत अप्रतिमरीत्या सादर केले. आर. के. पेंटर आणि शिल्पा मॅडम यांनी ‘पहले पहले प्यार की’ हे गीत सादर करून उपस्थितांची मने जिंकली. बाजीराव पाडळकर यांनी ‘खईके पान बनारस वाला’, तर अमित पाटील यांनी ‘सारा जमाना’ हे लोकप्रिय गीत सादर केले.
या गीतांच्या सादरीकरणाला कलासक्तचे सर्वेसर्वा डी. एस. सर यांनी उत्कृष्ट नृत्याची जोड दिली. त्यांच्या बहारदार नृत्याने प्रेक्षक भारावून गेले आणि कार्यक्रमात उत्साहाचे वातावरण निर्माण झाले.
यावेळी सुषमा मधाळे यांच्या साथीसह डी. एस. सर यांनी ‘ये कहाँ आ गए हम’ हे गीत अमिताभ बच्चन यांच्या आवाजाच्या हुबेहूब शैलीत सादर करून विशेष रंगत आणली. याशिवाय ‘रिमझिम गिरे सावन’, ‘मेरे दोस्त किस्सा ये क्या हो गया’, ‘बने चाहे दुश्मन’, ‘जिंदगी इम्तिहान लेती है’ आणि ‘मैं हूँ डॉन’ यांसारख्या लोकप्रिय गीतांनी मैफलीत रंग भरला.
कार्यक्रमाचे निवेदन दीपाली मॅडम यांनी केले, तर नीलम काळे यांनी.
