कोकणातील वैभवात भर घालणारे चिपळूण तालुक्यातील दहिवली बुद्रुक येथील त्रिमुखी श्री वरदान मानाई देवीचे मंदिर येथील भाविकांचे श्रद्धास्थान आहे.तीन वर्षांनी येणारी समा यात्रा, शिमगा उत्सव व नवरात्र उत्सव मोठ्या प्रमाणात गावात साजरे केले जातात.नवसाला पावणारी व हाकेला धावणारी अशी या देवीची ख्याती आहे फक्त कोकणात नाही तर संपूर्ण महाराष्ट्रभर पसरली आहे याचाच प्रत्यय दोन दिवसापूर्वी आला शारदीय नवरात्र महोत्सव साठेवाडी ता.गेवराई जिल्हा बीड येथील युवक हे शारदीय नवरात्र उत्सव हा महाराष्ट्र राज्यातील विविध भागातील प्रसिद्ध अशा मंदिरामधून ज्योत नेऊन उत्सव साजरा करत असतात यावर्षी त्रिमुखी श्री वरदान मानाई मंदिरा मधून ज्योत घेऊन प्रस्थान केले शेकडो किलोमीटरचा हा पायी ज्योत सोहळा दहिवली बुद्रुक (चिपळूण)ते बीड असा मोठा पायी प्रवास करत होणार आहे. या वरून असे दिसून येथे की देवीची किर्ती दिवसेदिवस सर्वदूर पसरत आहे. या वेळी नवरात्र उत्सव पूर्व तयारी साठी तिथे उपस्थित असलेले ग्रामस्थ श्री.विकास वसंतराव घाग व श्री.महेश हेमकिरण घाग यांनी त्याचे स्वागत केले व ज्योत प्रज्वलित करून त्यांच्या पायी ज्योत सोहळ्याला गावच्या वतीने शुभेछ्या दिल्या.
