विधानभवनावर परिवर्तन शेतकरी संघटनेचे ठिय्या आंदोलन सुरू

मानोरा प्रतिनिधी /विशाल मोरे

मानोरा : शेतकऱ्याच्या विविध मागण्याच्या पूर्ततेसाठी परिवर्तन शेतकरी संघटनेच्या वतीने हिवाळी अधिवेशन ठिय्या आंदोलनाच्या माध्यमाने लक्षवेध आंदोलन शेतकरी नेते मनोहर राठोड, पंचायत समितीच्या सदस्या सौ छाया राठोड, माजी सरपंच धनराज चव्हाण, गजानन डोलारकर,राजू नाईक, रवी जाधव भावाचा धर्मेंद्र आडे,उत्तम भोईर, पांडुरंग भागदरे,अण्णा नाडेकर,दगडू नार्वेकर आदींसह कार्यकर्ते पदाधिकाऱ्यांसह सन २०२३ च्या नापिकीमुळे जिल्हाला दुष्काळ झाल्याने सरसकट पिक विम्याची नुकसान भरपाई देण्यात यावे,वटफळ - मेंद्रा - रुई गोस्ता गावावरून वाहणाऱ्या पूस नंदीचे खोलीकरण व रुंदीकरण करण्यात यावे,वनपरिक्षेत्र परिसरातील शेतकऱ्यांच्या शेतीला तारकंपाऊडसाठी अनुदान देऊन दोन वर्षांपासुन प्रलंबित जंगली प्राण्यांच्या नुकसानभरपाई तात्काळ देण्यात यावी,चिखली धरणांची व्याप्ती वाढवून धरण मोठे करण्यात यावे. तसेच सोमनाथ नगर येथील मंजूर धरणांचे कामं तात्काळ सुरू करण्यात यावे,तीर्थक्षेत्र आसोला व तिर्थक्षेत्र धोद्रा या नविन ग्रामीण मार्ग क्रमांक मिळविलेल्या रस्त्याचे बांधकाम पंतप्रधान सडक योजना निधी मंजूर करून काम तात्काळ सुरू करण्यात यावे,मानोरा तालुक्यातील सोमठाणा व मानोरा शहरांतून वाहनाऱ्या नाल्याच्या रुंदीकरण व खोलीकरणासाठी निधीची तरतूद करुन सोमठाणा ग्रामपंचायतीला स्मशानभूमीची जागेसाठी व कोडोली येथील स्मशानभूमीकडे पुलावरून जाण्यासाठी बांधकामासाठी नाबार्ड अंतर्गत निधी उपलब्ध करून देण्यात यावे,३० वर्षापासून करत असलेल्या शेतीचे पट्टे शेतकऱ्यांच्या नांवे करून देण्यात यावे,वाईगौळ येथील वहितीतील शेती अकुशल दाखवून सौर ऊर्जा प्रकल्पासाठी भाडेतत्त्वावर कैडीमोल भावाने भाडेतत्त्वावर संपादन करून शेतकऱ्यांचे पिळवणूक करणाऱ्या कंपनीची चौकशी करून शेतकऱ्यांना 

न्याय द्यावा,तालुक्यातील पांदन रस्त्यांना तात्काळ निधी देऊन पांदन रस्त्यांचे काम सुरू करण्यात यावे,जंगली जनावरांपासून पिकांच्या संरक्षणासाठी शासकीय योजनेतून शेतीला तार कुंपण करून देण्यात यावे,मानोरा तालुक्यातील धरणं व कालव्याच्या दुरुस्ती निधीत झालेल्या भ्रष्टाचाराची चौकशी करून धरण व कालव्याची तात्काळ दुरुस्तीसाठी निधीची तरतूद करण्यात यावी या व इतर मागण्या साठी आजपासून विधानभवनावर ठिय्या आंदोलन सुरू केले आहे