सिंधुरत्न योजनेअंतर्गत 9 वाहनांची चावी सिंधुदुर्ग जिल्हा बँक अध्यक्ष श्री. मनिष दळवी यांच्या हस्ते दशावतार नाट्यमंडळांना सुपूर्त

सिंधुरत्न योजनेअंतर्गत 9 वाहनांच्या चाव्या सिंधुदुर्ग जिल्हा बँक अध्यक्ष मा. श्री. मनिष दळवी साहेबांच्या हस्ते दशावतार नाट्यमंडळांकडे सुपूर्त
माजी मंत्री,मा.श्री दिपकभाई केसरकर यांच्या संकल्पनेतून राबविण्यात आलेल्या शासनाच्या सिंधुरत्न योजनेअंतर्गत दशावतार नाट्यमंडळांना वाहन खरेदीसाठी 75%अनुदान शासनाकडून मंजूर करणेत आले होते व उर्वरित 25% कर्ज जिल्हा बँकेकडून दिले होते. अनुदान मिळेपर्यंत संपूर्ण कर्ज रक्कम बँकेने विनातारण 15 नाट्यमंडळांना मंजूर केली होती, त्यापैकी 9 वाहने जिल्ह्यामध्ये नोंदणीकृत झाली असून त्यांच्या चाव्या सिंधुदुर्ग जिल्हा बँकेचे अध्यक्ष मा. श्री. मनिष दळवी साहेबांच्या हस्ते सिंधुदुर्ग जिल्हा बँकेच्या प्रधान कार्यालय ओरोस सिंधुदुर्गनगरी येथे नाट्यमंडळांच्या मालकांना सुपूर्त करण्यात आल्या.
यावेळी सिंधुदुर्ग जिल्हा बँक उपाध्यक्ष मा. श्री. अतुलजी काळसेकर, बँकेचे संचालक मा. श्री. विठ्ठल देसाई, मा. श्री. प्रकाश बोडस, मा. श्री. रविंद्र मंडगावकर, मा. श्री. महेश सारंग, बँकेचे मुख्य कार्यकारी अधिकारी मा. श्री. प्रमोद गावडे तसेच मा. श्री संदेश उर्फ गोट्या सावंत,सिंधूरत्नचे डॉ. आनंद तेंडुलकर, जिल्हा परिषद अधिकारी श्री, महोदव शिंगाडे व श्री. भालचंद्र माळवदे, बँकेचे अधिकारी व कर्मचारी आणि दशावतार नाट्यमंडळाचे मालक व कलाकार उपस्थित होते.
बँकेने केलेल्या सहकार्यामुळे जिल्ह्यातील नाट्यमंडळांना नवीन वाहने उपलब्ध होऊ शकली, याबद्दल नाट्यमंडळांनी सिंधुदुर्ग जिल्हा बँकेचे तसेच अनुदान बद्दल मा. श्री. केसरकर साहेब व शासनाचे आभार मानले.
यावेळी वालावलकर पारंपारिक दशावतार नाट्य मंडळ, बाळकृष्ण गोरे पारंपारिक दशावतार नाट्य मंडळ, चेंदवणकर गोरे पारंपारिक दशावतार नाट्य मंडळ, पार्सेकर पारंपारिक दशावतार नाट्य मंडळ, आरोलकर पारंपारिक दशावतार नाट्य मंडळ, आजगावकर पारंपारिक दशावतार नाट्य मंडळ, नाईक मोचेमाडकर पारंपारिक दशावतार लोकनाट्य मंडळ, मामा मोचेमाडकर पारंपरिक दशावतार लोकनाट्य मंडळ आणि खानोलकर पारंपरिक दशावतार नाट्य मंडळ या दशावतार नाट्यमंडळाना वाहने सुपूर्त करण्यात आली.