दिंडोरी नगरपंचायतीकडून अन्न व प्रशासन मंत्री मा.ना.आ.श्री.नरहरी झिरवाळ यांना निवेदन देण्यात आले.

प्रतिनिधी….. सुरेश सुराशे

वणी : दिंडोरी नगरपंचायतीच्या उपनगराध्यक्षा सौ.शैलाताई सुनील उफाडे आणि महाराष्ट्र राज्याचे अन्न व औषध प्रशासन मंत्री नरहरी शिरवळ साहेब यांना दिंडोरी शहरातील वाहतूक आणि अन्य समस्या बाबत निवेदन सादर केले आहे.

*दिंडोरीतील वाहतूक समस्या

निवेदनात शैलाताई उफाडे यांनी दिंडोरी शहरातील सरकारी दवाखाना ते इंग्लिश स्कूल पर्यंतचा परिसर वारंवार ट्राफिक जाम होत असल्यास चे सांगितले. निळवंडी चौफुली येथे सिग्नल बसवण्याची मागणी त्यांनी केली आहे. तसेच, रस्ता रुंदीकरण व पार्किंगच्या सुविधा साठी निधी उपलब्ध करून देण्याची विनंती केली आहे. स्वामी समर्थ केंद्र आणि सप्तशृंगी गडावर येणाऱ्या भाविकांच्या वाढत्या संख्येमुळे वाहतूक व्यवस्थापन अधिक अधिक महत्त्वाचे झाले आहे.

**शासकीय कार्यालयाची स्थानांतर प्रक्रिया

दिंडोरी नगरपंचायतीचे काम सध्या आदिवासी विकास भवन येथे सुरू आहे मात्र नवीन तहसीलदार कार्यालय पूर्ण झाल्यानंतर त्याचे कामकाज तिकडे होणार आहे. याबाबत ही मंत्री झिरवाळ यांना माहिती देण्यात आली असून, पुढील काळात नगरपंचायतीची नवीन इमारत पूर्ण होईपर्यंत, जुने तहसीलदार कार्यालयात उपलब्ध करून देण्याची विनंती करण्यात आली आहे.

या निवेदनाद्वारे दिंडोरी नगरपंचायतीच्या वतीने शहराच्या विकास कामासाठी आणि नागरिकाच्या सोयीसाठी आवश्यक ते उपयोजनासाठी मदतीची अपेक्षा व्यक्त केली आहे.