लाडक्या बहिणींनी आमदार दत्तात्रय भरणे यांना औक्षण करत बांधल्या राख्या…

लाडक्या बहिणींनी आमदार दत्तात्रय भरणे यांना औक्षण करत बांधल्या राख्या…….
सन्माननिधी खात्यावर जमा झाल्याने महिलावर्गामध्ये आनंदाचे वातावरण……

इंदापूर तालुका प्रतिनिधी – संतोष मिंड

माझी लाडकी बहीण सन्माननिधी खात्यावर जमा होताच आज आमदार दत्तात्रय भरणे यांच्या भरणेवाडी येथील निवासस्थानी तालुक्यातील असंख्य महिला भगिनींनी एकत्र येत आमदार भरणे यांना राखी बांधत आनंदोत्सव साजरा केला.
महाराष्ट्र शासनाने नुकतीच मुख्यमंत्री माझी लाडकी बहीण योजना सुरू केली असुन यामध्ये पात्र लाभार्थी महिलांना दीड हजार रूपये सन्माननिधी देण्याचा ऐतिहासिक निर्णय महिन्याभरापुर्वी घेतला होता.या योजनेचे इंदापूर तालुक्याचे पदसिद्ध अध्यक्ष हे विद्यमान आमदार दत्तात्रय आहेत.त्यांनी गेल्या महिनाभरापासून या योजनेचा लाभ तालुक्यातील पात्र,गरजु महिलांना मिळवून देण्यासाठी अक्षरशः प्रयत्नांची पराकाष्ठा केली होती.यामध्ये सर्व प्रशासकीय यंत्रणेला दिवस-रात्र कामाला लावुन या योजनेपासून एकही महिला वंचित राहणार नाही अशा प्रकारच्या सक्त सुचना आमदार भरणे यांनी केल्या होत्या.तसेच त्यांनी सर्व तालुका पिंजून काढत

स्वतः प्रत्येक गावामध्ये जाऊन या योजनेचा प्रत्यक्ष आढावा घेत कागदोपत्री अडचणी सोडविण्यासाठी खूप‌ मेहनत घेतली होती.
त्याचीच फलश्रुती म्हणून इंदापूर तालुक्यातील हजारो महिलांच्या बॅंक खात्यावर मुख्यमंत्री माझी लाडकी बहीण योजनेचा सन्माननिधी जमा होण्यास सुरवात झालेली आहे.ऐन रक्षाबंधनाच्या पुर्वसंध्येला असंख्य महिलांच्या खात्यावर दोन महिन्यांचे मिळून सुमारे तीन हजार रूपये जमा झाल्याने महिलावर्गामध्ये सध्या आनंदाचे वातावरण आहे.
त्यामुळे आज तालुक्यातील हजारो महिलांनी एकत्र येत आमदार दत्तात्रय भरणे यांना राखी बांधत आनंदोत्सव साजरा केला.

यावेळी उपस्थित भगिनींना संबोधीत करताना आमदार दत्तात्रय भरणे म्हणाले की,आज खऱ्या अर्थाने तुमच्या चेहऱ्यावरचा आनंद बघुन मला सुद्धा तुमच्यासाठी प्रामाणिकपणे केलेल्या प्रयत्नाचे समाधान मिळाले असुन तुमचा लहान-मोठा भाऊ म्हणून नेहमीच तुम्हा सर्वांच्या पाठीमागे खंबीरपणे ऊभा राहणार असल्याची ग्वाही ही श्री.भरणे यांनी दिली.

तसेच उर्वरित भगिनींना सुद्धा लवकरच हा सन्माननिधी मिळणार असल्याचे सांगत अजुनही ज्यांनी या योजनेचा अर्ज भरला नाही त्यांनी लवकरात लवकर आपले अर्ज भरून घ्यावेत.त्याच बरोबर ज्या भगिनींचे आधारकार्ड बॅंक खात्याला लिंक नाहीत,त्यांनी त्वरित बॅंकेत जाऊन आपले आधारकार्ड लिंक करण्याचे आवाहन यावेळी आमदार दत्तात्रय भरणे यांनी केले आहे.