राज्य सरकारने कर्मचाऱ्यांचा डीए ३ टक्यानीं वाढवला ७ महिन्यांचा फरकही फेब्रुवारीतच मिळणार..

==============
प्रा. दिलीप नाईकवाड : सिंदखेडराजा -तालुका प्रतिनिधी.
-===============
राज्य सरकार कर्मचाऱ्यांना मोठी खुशखबर मिळाली आहे. कर्मचाऱ्यांच्या डी.ए. मध्ये मोठी वाढ करण्यात आली आहे. महाराष्ट्र सरकारने राज्यातील कर्मचाऱ्यांना मोठी खुशखबर दिली आहे डी.ए. मध्ये 3 टक्यानी वाढ करण्याचा निर्णय घेतला आहे तसा शासन निर्णय निघाला आहे. आज 25 फेब्रुवारी 2025 ला निघालेल्या निर्णयानुसार राज्य शासकिय व इतर पात्र कर्मचायांना अनुज्ञेन महागाई भत्यात 1 जुलै 2024 पासुन सुधारणा करण्यात आली आहे. या सुधारणेनुसार महागाई भत्त्याचा दर 50 टक्यावरुन त 53 टक्यांपर्यंत वाढवण्यात आला आहे. म्हणजेच आधीच्या डीए दरामध्ये 3 टक्क्यांची वाढ करण्यात आली आहे. विशेष म्हणजे हा वाढीव डीए.1जुलै 2024 पासून लागू होणार आहे. फेब्रुवारीत मिळणार थकबाकी डी.ए.

या शासन निर्णयानुसार वाढीव डीए 1 जुलै 2024 पासून लागू होईल. हा वाढीव डीए फेब्रुवारी महिन्याच्या वेतनात दिला जाणार आहे. म्हणजेच 1 जुलै 2024 ते 31 जानेवारी 2025 या 7 महिन्यांना वाढीव डीए. फेब्रुवारी 2025 महिन्यांच्या वेतनात थकबाकी म्हणून दिला जाणार आहे. गेल्या अनेक महिन्यांपासून शासकिय कर्मचाऱ्यांच्या कडून संघटनात्मक पातळीवर डीए मध्ये वाढ करण्याची मागणी होत होती. सरकारने सध्याच्या महागाईचा विचार लक्षात घेता. डीए मध्ये वाढ करण्याचा निर्णय घेतला आहे. शिवाय 7 महिन्यांचा थकीत डीए आता फेब्रुवारीतच पगारात देण्यात येणार असल्यामुळे या शासन निर्णयाचे स्वागत व समाधान कर्मचाऱ्याकडून व्यक्त केले जात आहे. १७ लाख शासकीय कर्मचाऱ्यांना फायदा होणार आहे. या निर्णयाची अंमलबजावणी सुरु झाली आहे. फेब्रुवारी महिन्याच्या कर्मचाऱ्यांच्या बँक खात्यात वाढीव पगार मिळेल आता. शासकिय कर्मचाऱ्यांनी जनतेला तत्पर सेवा देऊन आपली कर्तव्यपरायणता दाखवली पाहिजे अशी प्रतिक्रिया जनतेतून येत आहे..