मूल :- चंद्रपूर जिल्ह्यात अवैध दारू निर्मूलनासाठी सुरू असलेल्या विशेष मोहिमे अंतर्गत मुल पोलीस ठाण्याने मोठी कारवाई करत १०९ प्रकरणातील १७,८४,३९५ रुपयांचा देशी विदेशी दारूचा साठा नष्ट केला. Chandrapur IIIegaI Liquor रोड रोलरच्या सहाय्याने हि कारवाई करण्यात आली.
पोलीस अधीक्षक मुम्मका सुदर्शन यांच्या मार्गदर्शनात जिल्ह्यातील सर्व पोलीस ठाण्यामध्ये जप्त मुद्देमालाचा निपटारा करण्याची मोहीम सुरू आहे. Chandrapur IIIegaI Liquor त्याचाच एक भाग म्हणून मुल पोलीस ठाण्याने २०२३-२०२४ या कालावधीतील अवैध दारू जप्ती प्रकरणाचा पाठपुरावा केला. प्रभारी अधिकारी प्रमोद चौगुले , परीविक्षाधिन पोलीस उपअधीक्षक यांनी राज्य उत्पादन शुल्क विभागाशी पत्रव्यवहार करून या कारवाईसाठी परवानगी मिळवत १२ मार्च २०२५ रोजी मूल पोलीस ठाणे हद्दीतील चांदली ( बुर्ज) रोडवरील झुडपी जंगलाजवळ दोन पंच आणि राज्य उत्पादन शुल्क विभागाचे दुय्यम निरीक्षक संदीप राऊत यांच्या उपस्थितीत हि कारवाई पार पडली.यात एकुण १०९ प्रकरणातील देशी विदेशी दारू नष्ट करण्यात आली.
या मोहिमेत दारूबंदी कायद्यानुसार गुन्हे दाखल करण्यात आले होते. महाराष्ट्र दारूबंदी अधिनियमांतर्गत कलम ६५ ( अवैध वाहतूक ) , ६६ ( दारू विक्री व साठवणूक ) , तसेच ८१ ( बंदी असलेल्या पदार्थाचा साठा ) यांचा समावेश होता. Chandrapur IIIegaI Liquor जिल्ह्यात अनेक ठिकाणी अवैध दारू विक्री सुरू असून , पोलिसांनी कारवाईचा वेग वाढवला आहे. परंतु , केवळ मुद्देमाल नष्ट करून समस्या संपत नाही . हे जाडे तुटण्यासाठी मुख्य पुरवठा दारांवर कठोर कारवाई आवश्यक आहे .
अनेक गावांमध्ये स्थानिक दारू अड्डे पुन्हा पुन्हा उभे राहत आहेत . मोठ्या शहरांमध्ये बेकायदेशीर दारू विक्री सुरूच असल्याचे पाहायला मिळते . त्यामुळे ही मोहीम फक्त कागदोपत्री न राहता , प्रत्यक्षात परिणामकारक ठरावि , अशी अपेक्षा नागरिक व्यक्त करत आहेत . Chandrapur IIIegaI Liquor अवैध दारू विरोधात पोलिसांची मोहीम सुरू असली , तरी या उद्योगाची मुळे खोलवर आहेत . स्थानिक प्रशासन आणि नागरिकांनी मिळून हा प्रश्न कायमचा सोडविण्यासाठी पुढाकार घेणे गरजेचे आहे .
हि मोहीम भविष्यातही कठोरपणे राबवली जावी आणि दोषिना कठोर शिक्षा व्हावी , अशी मागणी नागरीक करत आहेत . प्रशासनाने केवळ कारवाईवर भर न देता , त्या मागच्या मूळ कारणावरही लक्ष केंद्रित करावे , अशी अपेक्षा आहे .
Discussion about this post