उधना-खुर्दा रोड एक्सप्रेसला धरणगाव थांबा – लोको पायलटचा सत्कार

धरणगाव | प्रतिनिधी

09059/60 उधना-खुर्दा रोड (पूर्वीची सुरत-ब्रह्मपूर) साप्ताहिक एक्सप्रेसला धरणगाव रेल्वे स्थानकावर थांबा मिळाल्याबद्दल स्थानिक नागरिक आणि प्रवासी संघटनांकडून आनंद व्यक्त करण्यात आला.

या ऐतिहासिक क्षणानिमित्त धरणगाव रेल्वे स्थानकावर गाडीचे उत्साहात स्वागत करण्यात आले तसेच लोको पायलटचा सत्कार करण्यात आला.

खासदार स्मिताताई वाघ यांचे आभार

खान्देश प्रवासी असोसिएशन आणि धरणगाववासीयांनी मा. खासदार श्रीमती स्मिताताई वाघ यांचे विशेष आभार मानले. त्यांच्या पाठपुराव्यामुळे प्रवाशांच्या दीर्घकालीन मागणीला यश मिळाले आहे.

गाडीचा वेळ आणि मार्ग

🚆 09059 उधना-खुर्दा रोड (पूर्वी सुरत-ब्रह्मपूर एक्सप्रेस)

• प्रारंभ – 12 मार्च 2024 पासून सुरू
• अंतिम सेवा – 2 मे 2025 पर्यंत धावणार
• धरणगावहून नंदुरबार-सुरत मार्गे धावणार
• थांबा – दर शनिवारी सकाळी 8:53 वाजता

🚆 09060 उधना-खुर्दा रोड एक्सप्रेस

• मार्ग – धरणगाव-जळगाव-भुसावळ-मलकापूर-अकोला-बडनेरा-वर्धा-नागपूर-गोंदिया-दुर्ग-रायपूर-ब्रह्मपूर-खुर्दा रोड
• थांबा – दर बुधवारी दुपारी 4:30 वाजता

धरणगाव स्थानकावर सत्कार समारंभ

धरणगाव रेल्वे स्थानकावर पार पडलेल्या सत्कार समारंभास भाजपा तालुका अध्यक्ष जिजाबराव पाटील, शहराध्यक्ष दिलीप महाजन, खान्देश प्रवासी असोसिएशनचे अध्यक्ष कमलेश तिवारी, उपाध्यक्ष चंद्रकांत भावसार, सचिव श्रेयांस जैन, सहसचिव ऍड. नंदन पाटील, खजिनदार प्रतीक जैन आणि सदस्य युवराज रायपूरकर, दिनेश पाटील, प्रशांत भाटिया, नारायण महाजन, संभाजी सोनवणे, जतीन नगारिया आदी मान्यवर उपस्थित होते.

प्रवाशांना आवाहन

खान्देश प्रवासी असोसिएशन, धरणगाव यांनी अधिकाधिक प्रवाशांनी या गाडीचा लाभ घ्यावा असे आवाहन केले आहे.

— प्रतिनिधी, धरणगाव