सारथी महाराष्ट्रचा:-(प्रतिनिधी नाना साबळे )धोंदलगाव -श्री गोपालेश्वर महादेव मंदिर (दर्या ) शिवरात्री महोत्सव 2026 येथे संगीतमय श्री शिव महापुराण कथा ज्ञानयज्ञ सोहळा हा संपन्न होत आहे यावार्षिक उत्सव व महंत 1008 वैराग्यमूर्ती श्री रघुनाथ गिरीजी महाराज (बाबाजी) यांचे उत्तर अधिकारी म्हणून महंत 1008 श्री स्वामी विष्णुगिरीजी महाराज (श्री सिद्ध गणेश मंदिर शिवराई) यांचे कृपा पात्र शिष्य महंत 1008 श्री स्वामी शतानंदगिरीजी महाराज यांचा पट्टाभिषेक व चादर विधी सोहळा हा पार पडत आहे. अनेक साधुसंतांच्या उपस्थितीत सोमवार दिनांक 13.2.2026 रोजी सकाळी 11 वाजता संपन्न होत आहे. या ठिकाणी महाशिवरात्रीची भव्यदिव्य यात्रा भरते परंतु धोंदलगाव बाभुळगाव रोड लगत असणारे या ठिकाणाला जाण्यासाठी चांगला मार्गच उपलब्ध नाही अनेक राजकारण्यांनी येथे रोडचे काम करणार म्हणून ग्वाही दिली असतानाही येथे अजून कुठलेही काम दिसत नाही विशेष करून महाशिवरात्रीच्या दिवशी इथे भव्यदिव्य यात्रा असताना अनेक भाविक गोपालेश्वर महादेव. महाराजांचे दर्शन घेण्यासाठी येतात पण त्यांना रस्त्यावर एक किलोमीटर भरपूर अडचणी येतात तरी समस्त ग्रामस्थ व पंचक्रोशीतील भाविकांची इच्छा विनंती आहे की लवकरात लवकर या रस्त्याचे काम प्रगतीपथावर आणावे व येथील व गोपालेश्वर महादेव मंदिर परिसर सुशोभित करण्यात यावा व येणाऱ्या भाविकांची होणारी हेळसांड टाळावी.
