कुरुंदवाड महाशिवरात्री यात्रेची अंतिम टप्प्यात जोरदार तयारी…
प्रतिनिधी :-दरिकांत कोळेकर. सारथी महाराष्ट्राचा न्युज.
कुरुंदवाड :-कुरुंदवाड येथे सोमवार 16 फेब्रुवारी पासून ते रविवार 22 फेब्रुवारी पर्यंत सुरू होणाऱ्या महाशिवरात्री यात्रेत स्टॉल व प्लॉट वाटपासाठी नगरपालिकेने लकी ड्रॉ पद्धत वापर करण्यात आला. छत्रपती शिवाजी महाराज सभागृहात झालेल्या बैठकीमध्ये एकूण 142 स्टॉल तसेच 5 पाळणे यासाठी प्लॉटचे लकी ड्रा पद्धतीने वाटप करण्यात आले. यात्रेत खाद्यपदार्थ विक्रीसाठी भेळ, पाणीपुरी, डोसा, चायनीज पदार्थ, आईस्क्रीम आदींसाठी 35 प्लॉट निश्चित करण्यात आले आहेत. तसेच स्टेशनरी, हर एक नमुण्याची खेळणी व विविध साहित्य विक्रीसाठी 102 स्टॉल देण्यात आले. मनोरंजन पाळण्यांसाठी स्वतंत्र 5 प्लॉटचे वाटप करण्यात आले. सर्व अर्जदार व्यापाऱ्यांना समान संधी मिळावी. यासाठी लकी ड्रॉ पद्धतीचा अवलंब करण्यात आला. या कामी संपूर्ण प्रक्रिया कु. न. पा. चे मुख्याधिकारी मनोज कुमार देसाई यांच्या नियोजनाखाली पार पडली. या वेळी माजी नगरसेवक उदय डांगे, विष्णुपंत माळी, शंकर पाटील, साहिल गोलंदाज. तसेच यात्रा कमिटीचे अधिकारी अभिजीत कांबळे, नंदकुमार चौधरी व इतर सदस्य उपस्थित होते. प्लॉट वाटप प्रक्रियेत लकी ड्रॉ पद्धतीने करण्यात आल्याने व्यापाऱ्यांनी उत्स्फूर्त सहभाग नोंदवला. त्यामुळे व्यापारी प्लॉट निश्चित झाल्याने व्यापाऱ्यांमध्ये समाधानाचे वातावरण निर्माण झाले होते. यात्रेत स्वच्छता, पाणीपुरवठा व रस्ता सुरक्षा, लाइटिंग इतर मूलभूत सुविधांची तयारी नगरपालिकेकडून करून देण्यात येणार असल्याचे माहिती मुख्याधिकारी देसाई यांनी दिली.
कुरुंदवाड ची कृष्णा- वेणी महाशिवरात्री यात्रा सुरळीत व यशस्वी रित्या पार पाडण्यासाठी सुनियोजन व्यवस्थित आखणी, योग्य रस्ते, पिण्याच्या पाण्याची सोय, लायटिंग, शहरात जाणारे रस्ते, गर्दी हे पाहता चोख पोलीस बंदोबस्त, कार्यक्रम पत्रिकेतील सर्व उदघाटन पासून उपक्रमांचा/स्पर्धाचा, सांस्कृतिक कार्यक्रमांचा, विविध गुण दर्शन कार्यक्रमांचा ते बक्षीस वितरण कार्यक्रमा पर्यंतचा ज्या- त्या दिवशी त्या-त्या वेळीच पूर्ण होतील याची काळजी या सर्व बाबीसाठी प्रशासन सज्ज व जोरदार तयारी पूर्ण झाली असल्याची ही मुख्याधिकारी मनोजकुमार देसाई यांनी सांगितले.
