*औद्योगिक वसाहतीबाहेर ‘टी-पॉईंट’वर भीषण अपघात; दुचाकीस्वार ठार* कळमेश्वर : शहरालगतच्या औद्योगिक वसाहतीबाहेरील १४ मैल रोडवरील टी-पॉईंट परिसरात पुन्हा एकदा गंभीर अपघात घडला असून एका दुचाकीस्वाराचा जागीच मृत्यू झाला आहे. या घटनेमुळे परिसरात संताप व्यक्त केला जात आहे.मिळालेल्या माहितीनुसार, गुरुवारी (दि. १२ फेब्रुवारी) रात्री सुमारे ९.०० वाजताच्या सुमारास हा अपघात झाला. मृत युवक अंकीत सुधाकर नागपुरे (वय ३०, रा. लोणारा) हा कामावरुण घरी परत ऐताना. तो एमएच-३१-डी-०१३९ क्रमांकाच्या दुचाकीने गावकडे परत जात असताना १४ मैल मार्गावरील टी-पॉईंटवर विरुद्ध दिशेने येणाऱ्या चारचाकी वाहनाने त्याच्या दुचाकीला जोरदार धडक दिली.धडकेची तीव्रता इतकी होती की अंकित याला गंभीर दुखापत होऊन त्याचा घटनास्थळीच मृत्यू झाला. अपघातानंतर चारचाकी वाहनचालकाने घटनास्थळावरून पसार झाल्याची माहिती आहे.घटनेची माहिती मिळताच कळमेश्वर पोलिसांनी तातडीने घटनास्थळी धाव घेत मृतदेह ग्रामीण रुग्णालयात हलवला. अज्ञात वाहनचालकाविरुद्ध गुन्हा दाखल करण्यात आला असून पोलिसांकडून पुढील तपास सुरू आहे. आरोपीने स्वखुशीने पोलिसांत हजर व्हावे, असे आवाहनही करण्यात आले आहे.

by Arvind Bansod

February 15, 2026

in Blog

0