शहादा प्रतिनिधी.संतोष आखडमल
शहरात घडलेल्या एका धक्कादायक घटनेने परिसरात एकच खळबळ उडाली आहे. शहरातील शहादा रोडवरील प्रतापनगर परिसरात बंद घरातून एका रिक्षाचालकाचा संशयास्पद मृतदेह आढळून आला आहे.
मृत व्यक्तीचे नाव सचिन गोरख जाधव (वय ४३) असे असून, ते मूळचे तळोदा येथील रहिवासी आहेत. गेल्या दोन-तीन दिवसांपासून त्यांचे मोबाईलवर कोणाशीही संपर्क होत नव्हता.
यामुळे नातेवाईकांना संशय आला. आज त्यांच्या नातेवाईक अशोक सूर्यवंशी आणि विजय वाघ हे प्रतापनगर येथील त्यांच्या घरावर गेले असता घराचा दरवाजा आतून बंद असून आतून दुर्गंधी येत असल्याचे त्यांना जाणवले.
त्वरित त्यांनी पोलिसांना कळविले.पोलीस घटनास्थळी पोहोचून दरवाजा तोडून आत प्रवेश केला असता, सचिन जाधव हे मृत अवस्थेत आढळून आले. प्राथमिक तपासात मृत्यूला तीन दिवसांहून अधिक काळ झाल्याचे स्पष्ट झाले आहे.
सदर मृतदेह उपजिल्हा रुग्णालय तळोदा येथे शवविच्छेदनासाठी पाठविण्यात आला असून, या प्रकरणाचा पुढील तपास पोलीस निरीक्षक राजन मोरे यांच्या मार्गदर्शनाखाली सुरू आहे.मृत सचिन जाधव हे काही महिन्यांपूर्वी सुरत (गुजरात) येथे काम करून तळोद्यात परत आले होते.
सुरतेतील कुटुंबापासून दूर राहून ते येथे रिक्षा चालवून उदरनिर्वाह करीत होते. त्यांच्या मृत्यूमुळे परिसरात हळहळ व्यक्त होत असून, घटनेने तळोद्यात शोककळा पसरली आहे.घटनेचा तपास सुरू… मृत्यूचे नेमके कारण अजून अस्पष्ट… आपल्या वाचकांसाठी या घटनेचा पुढील तपशील लवकरच उघड करणार आहे.
