सिंधुदुर्ग – ह्युमन राईट असोसिएशन फॉर प्रोटेक्शन विभाग-सिंधुदुर्ग, एकदंत फूड अँड बेवरेजेस (ओरबेलो) आणि सिंधू रक्तमित्र प्रतिष्ठान-वैभववाडी यांच्या संयुक्त विद्यमाने कै. सौ. शिला शंतनू बांदिवकडेकर यांच्या तृतीय स्मृतिदिनानिमित्त शनिवार, दि. १४ फेब्रुवारी २०२६ रोजी रक्तदान व मोफत आरोग्य तपासणी शिबिराचे आयोजन करण्यात आले.
या शिबिरादरम्यान उत्कृष्ट चित्रकार व दशावतारी नाट्य कलावंत म्हणून कु. श्रुती संतोष सुतार हिचा परशुराम गंगावणे यांच्या शुभहस्ते सन्मानचिन्ह व पुष्पगुच्छ देऊन सत्कार करण्यात आला.
कार्यक्रमास पंचायत समिती वैभववाडीचे सभापती बापी मांजरेकर, सिंधू रक्तमित्र प्रतिष्ठानचे संस्थापक-अध्यक्ष प्रकाश तेंडोलकर, विविध तज्ञ डॉक्टर, परिचारिका, मानवाधिकार संघटनेचे पदाधिकारी व ग्रामस्थ मोठ्या संख्येने उपस्थित होते.
संपूर्ण कार्यक्रम उत्साहपूर्ण व प्रेरणादायी वातावरणात पार पडला.
