🟠🟡🔴 आवंडी वसाहतीची शिवज्योत थेट सिंधुदुर्ग किल्लावरून; शिवजयंतीनिमित्त अनोखा उपक्रम 🔴🟡🟠

आवंडी वसाहत ( आजरा) : दरवर्षीप्रमाणे यंदाही शिवजयंतीनिमित्त आवंडी वसाहतीतील शिवप्रेमींनी शिवज्योत आणण्याचा उपक्रम हाती घेतला आहे. मात्र यावर्षी विशेष म्हणजे आजरा परिसरातून नव्हे, तर थेट ऐतिहासिक सिंधुदुर्ग किल्ला येथून पेटती मशाल—‘शिवज्योत’—पायी चालत आणण्याचा निर्धार करण्यात आला.
मंडळाचे अध्यक्ष संतोष चौगुले यांनी गावातील लहान मुले व शिवभक्तांना इतिहासाची प्रेरणा मिळावी, या उद्देशाने हा अनोखा संकल्प मांडला. त्यांच्या पुढाकारातून सर्व शिवप्रेमींनी किल्ल्यावर शिवज्योत प्रज्वलित करून आवंडी वसाहतीकडे प्रस्थान केले. या उपक्रमामुळे परिसरात उत्साहाचे वातावरण निर्माण झाले आहे.

या पदयात्रेत मंडळाचे उपाध्यक्ष चेतन निकम, खजिनदार किरण निकम, ऋतिक फगरे, दिनेश कालेकर, अभिषेक चौगुले, करण कोले, संदेश कालेकर, प्रणव गावडे, सिद्धेश गावडे, विघ्नेश दारुटे, संकेत पाटील, सुशांत बांदेकर, अनिकेत कोले आदींसह अनेक शिवप्रेमींनी उत्स्फूर्त सहभाग नोंदविला.
उद्या पहाटे सहा वाजता आवंडी वसाहतीत शिवज्योतीचे मोठ्या उत्साहात स्वागत करण्यात येणार आहे. सकाळी १० वाजता छत्रपती शिवाजी महाराजांच्या पूर्णाकृती प्रतिमेची भव्य मिरवणूक काढण्यात येणार असून, सायंकाळी विविध सांस्कृतिक कार्यक्रमांचे आयोजन करण्यात आले आहे.
या उपक्रमामुळे तरुण पिढीत शिवचरित्राविषयी अभिमान आणि प्रेरणा जागृत होत असल्याची भावना ग्रामस्थांनी व्यक्त केली.