सोलापूर – सोलापूर शहरातील अशोक चौक परिसरात विजेचा शॉक लागून ५० वर्षीय व्यक्तीचा दुर्दैवी मृत्यू झाल्याची हृदयद्रावक घटना घडली आहे.
मृताचे नाव प्रवीण अशोक गायकवाड (वय ५०) असे असून, ते दुपारच्या सुमारास घरातील पाण्याची मोटर सुरू करत असताना त्यांना विजेचा तीव्र शॉक लागला. या घटनेत त्यांचा जागीच मृत्यू झाला.
घटनेची माहिती मिळताच नातेवाईकांनी त्यांना तात्काळ जवळील खासगी रुग्णालयात दाखल केले; मात्र डॉक्टरांनी उपचारापूर्वीच मृत घोषित केले.
त्यांच्या पश्चात पत्नी, दोन मुले व भाऊ असा परिवार आहे. या घटनेमुळे परिसरात हळहळ व्यक्त होत असून कुटुंबावर दुःखाचा डोंगर कोसळला आहे.
