छत्रपती शिवाजी महाराज जयंतीनिमित्त श्री शिवप्रतिष्ठान युवा मंडळ बाईतवाडी येथे छत्रपती शिवाजी महाराज जयंती निमित्त शिवकालीन शस्त्र प्रदर्शन मोठ्या उत्साहात व दिमाखात पार पडले.

नेहरूनगर, बाईतवाडी (प्रतिनिधी):
छत्रपती शिवाजी महाराज जयंतीनिमित्त श्री शिवप्रतिष्ठान युवा मंडळ बाईतवाडी येथे छत्रपती शिवाजी महाराज जयंती निमित्त श्री सुरेश जी पवार महाड यांच्याकडील शिवकालीन शस्त्र प्रदर्शन मोठ्या उत्साहात व दिमाखात पार पडले. कार्यक्रमाला गावातील प्रतिष्ठित नागरिक श्री संतोष कडव ,चंद्रकांत बाईत , सुरेश बाईत ,वसंत सावंत परशुराम बाईत ,प्रकाश बाईत प्रमोद बाईत ,मारुती बाईत, संजय लोटणकर तसेच गावचे पोलीस पाटील सौ रंजना खैर आणि नवनिर्वाचित पंचायत समिती सदस्य श्री जगन्नाथ धनावडे यांच्यासह गावचे नागरिकांचा उत्स्फूर्त प्रतिसाद लाभला असून युवक-युवती, महिला व ज्येष्ठ नागरिकांनी मोठ्या संख्येने उपस्थिती दर्शवली.
कार्यक्रमाची सुरुवात हिंदवी स्वराज्याचे संस्थापक छत्रपती शिवाजी महाराज यांच्या प्रतिमेचे पूजन व दीपप्रज्वलन करून करण्यात आली. यावेळी मान्यवर श्री महेश जी मोरे , सौ शितलताई मोरे, सुदेश जाधव प्रकाश दाभेकर यांनी शिवरायांच्या शौर्य, धैर्य आणि लोककल्याणकारी कारभाराची आठवण करून दिली. “इतिहास हा केवळ वाचण्याचा विषय नसून तो आचरणात आणण्याची प्रेरणा देणारा आहे,” असे प्रतिपादन प्रमुख वक्त्यांनी केले.
प्रदर्शनामध्ये शिवकालीन तलवारी, ढाली, भाले, कट्यारी तसेच विविध युद्धसामग्रीचे आकर्षक सादरीकरण करण्यात आले होते. प्रत्येक शस्त्राची ऐतिहासिक पार्श्वभूमी व उपयोग याबाबत तज्ज्ञांकडून सविस्तर माहिती देण्यात आली. त्यामुळे उपस्थितांना शिवकालीन युद्धनीती आणि पराक्रमाची जाणीव प्रत्यक्ष अनुभवता आली.
कार्यक्रमादरम्यान पोवाडे, देशभक्तीपर गीतांचे सादरीकरण तसेच शिवचरित्रावर आधारित थोडक्यात व्याख्यान यांचे आयोजन करण्यात आले. पोवाड्यांच्या जोशपूर्ण सादरीकरणाने वातावरण शिवमय झाले. संपूर्ण परिसर भगव्या पताकांनी व आकर्षक रोषणाईने सजविण्यात आला होता.
या उपक्रमामागील प्रमुख उद्देश म्हणजे तरुण पिढीमध्ये इतिहासाविषयी अभिमान व जागरूकता निर्माण करणे हा होता. आयोजकांनी सांगितले की, “शिवरायांचा आदर्श पुढील पिढीपर्यंत पोहोचविण्यासाठी असे उपक्रम सातत्याने राबविण्यात येतील.”
कार्यक्रमाच्या यशस्वी आयोजनाबद्दल उपस्थितांनी मंडळाचे आयोजक कुमार राकेश सावंत ,तुषार बाईत, सिताराम सावंत ,पंकज बाईत , प्रदीप बाईत, संतोष सानप, विनायक बाईत विलास बाईत ओमकार कडव चैतन्य बाईत , सतीश बाईत अविनाश बाईत, मयूर बाईत अनिकेत सावंत, आणि अमोल बाईत यांनी संपूर्ण कार्यक्रमाचे सूत्रसंचालन केले या सर्व आयोजकांचे अभिनंदन कौतुक सर्वांनी केले शेवटी सर्वांनी एकमुखाने “जय भवानी, जय शिवराय”चा घोष करत कार्यक्रमाची सांगता करण्यात आली.