शहादा प्रतिनिधी.
*शिरपूर:*(दि. १९ )फेब्रुवारी रोजी सकाळी ११.३० वाजेच्या सुमारास थाळनेर चे सपोनि हेमंत पाटील हे पोलीस स्टाफ सह शिव जयंती निमित्त पोलीस स्टेशन हद्दीत पेट्रोलींग करीत असतांना पोसई समाधान भाटेवाल यांना बातमीदारा मार्फत बातमी मिळाली की,
एक इसम हिसाळे येथुन शिरपुर कडे जाणाऱ्या महाराष्ट्र राज्य परिवहन मंडळाचे शिवाई ईलेक्ट्रिक बस मध्ये बसला असुन त्याच्या ताब्यातील सॅकबॅग मध्ये गांजा असल्याची शक्यता आहे. माहितीच्या आधारे पोलिसांनी लागलीच शिरपुर चोपडा रोडवर सावेर गावाचे शिवारातील जय पेट्रोलपंपा जवळ बस थांबवून सदर बसची पोलीस स्टॉफसह बसची पाहणी केली असता .
बस मध्ये मागील सिटवर एक इसम त्याच्या ताब्यात वरील वर्णनाची सॅकबॅग जवळ धरुन बसलेला दिसला, सदर इसमास खात्री करण्यासाठी बस मधुन खाली उतरवुन वाहक व चालक यांच्या समक्ष इसमाच्या ताब्यातील सॅकबॅग उघडुन पाहिले असता त्यात खाकी रंगाचे चिकट टेप लावलेला एक पुडा दिसुन आला. संशयीत इसमास विचारणा केली असता .
त्याने सदर पुडयामध्ये गांजा असल्याचे सांगितले. आरोपीने त्याचे नाव मुस्तफा जिलानी शेख (वय ३६ वर्षे, रा. रूम नंबर ४२६, जनता कॉलनी, गिलबर्ट टेकडी गांवदेवी डोंगरी, मोहम्मदी मस्जिद जवळ अंधेरी पश्चिम, मुंबई) असल्याचे सांगितले. आरोपीतास पोलिसांनी ताब्यात घेतले आहे.थाळनेर पोलीस स्टेशन येथे राजपत्रीत अधिकारी, शासकीय पंच तसेच वजनकाटाधारक, फोटोग्राफर, पोलीस अधिकारी, अंमलदार व फॉरेन्सिक पथक यांच्या समक्ष पंचनामा करण्यात आला असुन सदर इसमाचे ताब्यात असलेल्या बॅगेतून १० किलो गांजा मिळुन आला. ज्याचे बाजार मूल्य एकुण ८६,३२० रुपये आहे.
सदरची कारवाई श्रीकांत धिवरे, पोलीस अधीक्षक, धुळे अजय देवरे, अपर पोलीस अधीक्षक धुळे, सुनिल गोसावी, उपविभागीय पोलीस अधिकारी शिरपुर यांचे मार्गदर्शनाखाली सहाय्यक पोलीस निरीक्षक थाळनेर पो.स्टे हेमंत पाटील, पोसई समाधान भाटेवाल, पोसई हर्षल पाटील, पोहेकॉ दिनेश महाले, पोहेकॉ रावसाहेब पाटील, पोकॉ उमाकांत वाघ, पोकॉ अनिकेत साळुंखे, पोकॉ रविंद्र मोरे, पोकॉ रामकृष्ण बोरसे, चापोकॉ दिलीप मोरे अशांनी मिळून केली आहे.
