भुलेगाव ता येवला येथील श्री भुलेश्वर माध्यमिक विद्यालयात छत्रपती शिवाजी महाराज जयंती मोठ्या उत्साहात साजरी करण्यात आली. कार्यक्रमाची सुरुवात महाराजांच्या प्रतिमेचे पूजन करून करण्यात आली. यावेळी विद्यार्थ्यांनी मनोगत व्यक्त करून शिवाजी महाराजांच्या पराक्रम, स्वराज्याची संकल्पना व आदर्श मूल्यांवर प्रकाश टाकला.
कार्यक्रमात शिक्षकांनीही मनोगतातून विद्यार्थ्यांना प्रेरणादायी मार्गदर्शन केले. शाळा व्यवस्थापन समितीचे अध्यक्ष व सदस्य, पालकवर्ग तसेच भुलेगाव, देवठाण, भायखेडे, पिंपळखुटे बु., पिंपळखुटे खु. येथील नागरिक मोठ्या संख्येने उपस्थित होते.
कार्यक्रमासाठी अजिंक्यतारा शिक्षण प्रसारक मंडळ या संस्थेचे संस्थापक आदरणीय श्री प्रकाशराव कोल्हे सर यांनी अमृतवाणी मार्गदर्शन केले. त्यांच्या प्रेरणादायी शब्दांनी उपस्थितांमध्ये नवचैतन्य निर्माण झाले.
कार्यक्रमाची प्रस्तावना श्री उंडे सर यांनी केली. आभार प्रदर्शन श्री देवरे सर यांनी मानले. यावेळी शिक्षकवृंदात श्री सोनवणे सर, पुणे सर, मोरे बाळासाहेब तसेच शिक्षकेत्तर कर्मचारी उपस्थित होते.
या कार्यक्रमामुळे विद्यार्थ्यांमध्ये देशभक्ती, शिस्त आणि स्वराज्याची प्रेरणा निर्माण झाली असल्याचे मत उपस्थित मान्यवरांनी व्यक्त केले.
