प्रतिनिधी दि.२१ जि.भारत सरकारच्या वस्त्रोद्योग मंत्रालयांतर्गत असलेल्या विकास आयुक्त (हस्तशिल्प) कार्यालय व महाराष्ट्र राज्य ग्रामीण जीवनोन्नती अभियान, जिल्हा ग्रामीण विकास यंत्रणा यांच्या संयुक्त विद्यमाने, ‘आकांक्षित जिल्ह्यांमधील हस्तशिल्प आधारित उपजीविका मजबूत करणे’ या मोहिमेअंतर्गत ‘चौपाल’ (हस्तशिल्प कारागिरांशी संवाद) कार्यक्रमाचे आयोजन करण्यात आले. हस्तशिल्प सेवा केंद्र, छ. संभाजीनगर यांच्या पुढाकाराने हा कार्यक्रम आज जिल्हा ग्रामीण विकास यंत्रणा हॉल, धाराशिव येथे संपन्न झाला.
प्रमुख उपस्थिती आणि मार्गदर्शन
हा कार्यक्रम मा.जिल्हाधिकारी श्री. कीर्ती किरण पुजार आणि मा. मुख्य कार्यकारी अधिकारी (CEO) डॉ. मानक घोष यांच्या मार्गदर्शनाखाली आयोजित करण्यात आला होता.
जिल्हा अभियान व्यवस्थापन कक्ष यांच्या समन्वयाने पार पडलेल्या या कार्यक्रमाला खालील मान्यवरांची प्रमुख उपस्थिती होती.
मा. श्री. अनुप शेंगुलवार: प्रकल्प संचालक, डीआरडीए (DRDA)
श्रीमती वनिता रवींद्र डोंगरे: जिल्हा अभियान व्यवस्थापक, MSRLM, धाराशिव
श्री. अमोल शंकर सिरसट: जिल्हा व्यवस्थापक, MSRLM
योजनांची माहिती आणि नोंदणी
हस्तशिल्प सेवा केंद्र, छ. संभाजीनगरचे सहाय्यक संचालक श्री. अमन कुमार जैन आणि हस्तशिल्प प्रोत्साहन अधिकारी श्री. शैलेंद्र सिंह यांनी कारागिरांसाठी असलेल्या विविध शासकीय योजनांचे सादरीकरण केले. यामध्ये प्रामुख्याने:
ओळख पत्र (Pehchan Card): कारागिरांना ओळख पत्राचे फायदे ॲनिमेटेड व्हिडिओद्वारे समजावून सांगण्यात आले.
थेट नोंदणी: कार्यक्रमाच्या ठिकाणीच टेराकोटा शिल्प आणि बंजारा भरतकाम करणाऱ्या कारागिरांची अधिकृत नोंदणी करण्यात आली.
कल्याणकारी योजना: मुद्रा लोन, PMJJBY, PMSBY, राष्ट्रीय पुरस्कार, टूल किट वाटप आणि क्लस्टर विकास यांसारख्या महत्त्वाच्या योजनांवर सविस्तर चर्चा करण्यात आली.
बँकिंग आणि आर्थिक साक्षरता
अग्रणी जिल्हा व्यवस्थापक (LDM) प्रतिनिधी श्री. सुनील जाधव आणि स्टेट बँक ऑफ इंडियाचे श्री. विजय नवले यांनी कारागिरांना मुद्रा लोन योजना आणि इतर बँकिंग सुविधांची माहिती देऊन आर्थिक प्रगतीसाठी मार्गदर्शन केले.
सहभाग
या ‘चौपाल’मध्ये जहागीरदारवाडी, धाराशिव शहर आणि तुळजापूर परिसरातील अंदाजे ९५ महिला कारागीर उत्साहाने सहभागी झाले होते. कार्यक्रमाच्या शेवटी उपस्थितांचे आभार मानण्यात आले.
