नितेश गट्टीवार
चामोर्शी (गडचिरोली):दि.२०
येथील नगरपंचायतीमध्ये विषय समिती सभापती पदाची मुदत संपल्यामुळे 20 फेब्रुवारीला विषय समिती सभापतीपदाची निवडणूक घेण्याकरिता नगरपंचायत सभागृहात सभेचे आयोजन केले होते. त्यात काँग्रेसला राष्ट्रवादीची व भाजपची साथ मिळाल्याने या सभेत विषय समितीच्या सर्व सभापतीची अभिवादन निवड करण्यात आली.
मागील वर्षी 20 फेब्रुवारी 2025 रोजी नगरपंचायत च्या विषय समिती निवडणूक घेण्यात आली. सर्व चार सभापतींची अविरोध निवड झाली होती. त्यांच्या पदाची मुदत संपली असल्याने दिनांक 20 फेब्रुवारी 2026 ला विषय समिती आरोग्य व स्वच्छता ,बांधकाम, पाणीपुरवठा व महिला बालकल्याण या सभापती ,उपसभापती पदासाठी प्रत्येकी एक नामांकन दाखल करण्यात आले होते.
पिठासीन अधिकारी म्हणून उपविभागीय अधिकारी अरुण एम यांच्या अध्यक्षतेखाली व नगरपंचायतीचे मुख्याधिकारी सूर्यकांत पीदूरकर , अभियंता स्वप्नील पिदुरकर, कर निरीक्षक स्नेहल दहिवले, लिपिक दिलीप लाडे, आजींच्या उपस्थितीत विशेष सभा पार पडली, तब्येत काँग्रेसचे नगरपंचायत उपाध्यक्ष चंद्रकांत बुरांडे यांची पाचव्यांदा स्वच्छता ,वैद्यक व आरोग्य सभापती पदी तर पाचव्यांदा बांधकाम सभापतीपदी वैभव भिवापुरे यांची तर पाणीपुरवठा व जलनिसारण सभापती म्हणून राष्ट्रवादीच(अजित पवार गट) निशांत नैताम तर महिला व बालकल्याण सभापतीपदी भाजपच्या रोशनी वरघंटे तर महिला व बालकल्याण उपसभापतीपदी राकाच्या माधुरी यांची अविरोध निवड झाली असल्याचे जाहीर करण्यात आले.
याप्रसंगी नगराध्यक्ष जयश्री वायलालवार, उपाध्यक्ष चंद्रकांत बुरांडे नगरसेवक व गटनेते नितीन वायलालवार, राहुल नैताम, गीता सोरते, सभापती वैभव भिवापूरे, निशांत नैताम, रोशनी वरघंटे माधुरी व्याहाडकर,नगरसेवक सुमेध तुरे, आशिष पिपरे, सोनाली पिपरे, वर्षा भिवापुरे, स्नेहा सातपुते, प्रेमा आईंचवार, काजल नैताम, वंदना गेडाम आदी उपस्थित होते.
