न्यू इंग्लिश स्कूल शेडशाळच्या जेष्ठ अध्यापिका सौ.पद्मावती घाट यांना आदर्श शिक्षिका पुरस्काराने सन्मानित….
प्रतिनिधी:-दरिकांत कोळेकर. सारथी महाराष्ट्राचा न्युज.
कुरुंदवाड:-न्यू. इंग्लिश स्कुल शेडशाळच्या शाळेतील जेष्ठ अध्यापिका सौ. पद्मावती घाट, यांना आदर्श शिक्षिका पुरस्काराने सन्मानित करणेत आला. त्याच बरोबर या प्रशालेत छत्रपती शिवाजी महाराजांच्या 396 व्या जयंतीच्या निमित्ताने मराठा मंडळ यांचेकडून विविध स्पर्धांचे आयोजन करण्यात आले होते त्या स्पर्धांचे बक्षीस वितरण व मान्यवरांच्या सत्कार समारंभ उत्साहात संपन्न झाला.
शिवजयंतीच्या निमित्ताने केंद्र स्तरावरील वक्तृत्व, निबंधाच्या स्पर्धा घेण्यात आल्या होत्या. त्यातील विजेत्या स्पर्धकांना बक्षीसे व शील्ड देऊन त्यांचे अभिनंदन करण्यात आले. बक्षीस वितरणाच्या निमित्ताने श्री सुनील अंबुपे सर यांचे व्याख्यान आयोजित करण्यात आले होते. त्यांनी आपल्या भाषणामध्ये छत्रपती शिवाजी महाराजांनी केलेले कार्य स्पष्ट केले आणि विद्यार्थ्यांना मार्गदर्शन केले.शिवजयंतीच्या निमित्ताने प्रतिवर्षी मराठा मंडळ शेडशाळ यांच्या वतीने गावातील शैक्षणिक, सामाजिक व शेती क्षेत्रातील उल्लेखनीय कामगिरी करणारे व्यक्तींचा सन्मानपत्र देऊन सत्कार केला जातो.
यावर्षी सामाजिक क्षेत्रातील पुरस्कार ग्रामपंचायत शेडशाळ यांना देण्यात आला. शैक्षणिक क्षेत्रातील पुरस्कार न्यू इंग्लिश स्कूल शाळेच्या ज्येष्ठ अध्यापिका सौ.पद्मावती घाट मॅडम यांना देण्यात आला. शेती क्षेत्रातील पुरस्कार सेंद्रिय शेतीमध्ये योगदान देणारे सुनील कुचगावे यांना देण्यात आला.
यावेळी मराठा मंडळ शेडशाळचे सुनील सूर्यवंशी यांनी स्वागत व प्रास्ताविक केले. कार्यक्रमाच्या एकूण नियोजनामध्ये क्रीडाश्री अब्दुलकादर देसाई व श्री . संतोष माने यांचे योगदान फार मोलाचे होते. या कार्यक्रमासाठी ग्रामपंचायत शेडशाळचे सरपंच सुनील संकपाळ व पदाधिकारी, मराठा मंडळ शेडशाळचे पदाधिकारी, मुख्याध्यापिका श्रीमती माणिक नागावे मॅडम, सुनील कुचगावे, सर्व शिक्षक, शिक्षकेतर कर्मचारी व विद्यार्थी हजर होते.
सूत्रसंचालन विद्यालयाचे सहाय्यक शिक्षक श्री रियाज जमादार यांनी केले तर आभार प्रदर्शन श्री.मनोज पासोबा सर यांनी केले.
