- “संतांचा विचार, सेवेतून दिला प्रकाश,
ग्रामपंचायतीत दुमदुमला जयघोष खास,
स्वच्छता आणि समाजसेवेचा घेतला ध्यास,
राहेरी बु. मध्ये जयंती झाली उत्साहात खास “
सिंदखेडराजा /ज्ञानेश्वर तिकटे
सिंदखेडराजा—-तालुक्यातील राहेरी बु. येथे ग्रामपंचायत कार्यालयात महान समाजसुधारक संत गाडगेबाबा महाराज यांची जयंती मोठ्या उत्साहात व भक्तीभावाने साजरी करण्यात आली. यावेळी ग्रामपंचायत कार्यालय परिसरात प्रेरणादायी वातावरण निर्माण झाले होते.
कार्यक्रमाची सुरुवात संत गाडगेबाबा महाराज यांच्या प्रतिमेचे पूजन व पुष्पहार अर्पण करून करण्यात आली. उपस्थित ग्रामपंचायत सरपंच, उपसरपंच, सदस्य, ग्रा. कर्मचारी ,अंगणवाडी सेविका ,पालक व ग्रामस्थांनी संत गाडगेबाबा यांच्या कार्याचा व विचारांचा गौरव करत त्यांना अभिवादन केले.
यावेळी त्यांच्या स्वच्छता, समाजसेवा व अंधश्रद्धा निर्मूलनाच्या कार्याची माहिती देण्यात आली.
ग्रामस्थांनी संत गाडगेबाबा महाराज यांच्या विचारांचे अनुकरण करून समाजात स्वच्छता, बंधुभाव व सामाजिक एकोपा वाढविण्याचा संकल्प व्यक्त केला. कार्यक्रमात ग्रामपंचायत पदाधिकारी, कर्मचारी व गावातील नागरिक मोठ्या संख्येने उपस्थित होते.
संपूर्ण कार्यक्रम भक्तीमय व प्रेरणादायी वातावरणात पार पडला.
