आजरा | प्रतिनिधी
सुरक्षा शिक्षक शिक्षण संस्था, आजरा यांच्या वतीने अध्यापिका सौ. अर्चना प्रशांत पाटील (विद्यामंदिर करपेवाडी, ता. आजरा) यांच्या वाढदिवसानिमित्त समाजभान जपणारा उपक्रम राबविण्यात आला.
समर्पित वृत्तीने कार्य करणाऱ्या शिक्षकांना बळ देणे, कर्तृत्वसंपन्न होतकरू व गरजू विद्यार्थ्यांना शैक्षणिक आधार देणे, तसेच दुर्गम व वाड्या-वस्त्यांवर कार्यरत असणाऱ्यांना आर्थिक सहाय्य देण्याच्या उद्देशाने संस्थेच्या माध्यमातून हा उपक्रम राबविण्यात येत आहे.
आपल्या वाढदिवसाचे औचित्य साधून सौ. पाटील यांनी समाजोपयोगी कार्यासाठी रु. ११११/- अशी देणगी देऊन सामाजिक बांधिलकी जपली. त्यांच्या या उपक्रमाबद्दल संस्थेच्या वतीने त्यांना शुभेच्छा देण्यात आल्या.
ईश्वर त्यांना उत्तम आरोग्य व दीर्घायुष्य देवो, अशा शुभेच्छाही यावेळी व्यक्त करण्यात आल्या.
मुख्याध्यापक नंदकुमार हरी देसाई यांच्या वाढदिवसानिमित्त सामाजिक उपक्रम
आजरा | प्रतिनिधी
सुरक्षा शिक्षक शिक्षण संस्था, आजरा यांच्या वतीने श्री. नंदकुमार हरी देसाई (मुख्याध्यापक, विद्यामंदिर हिरळगे, ता. गडहिंग्लज) यांच्या वाढदिवसानिमित्त समाजोपयोगी उपक्रमाचे आयोजन करण्यात आले.
शिक्षण क्षेत्रात योगदान देणाऱ्या शिक्षकांना प्रेरणा देणे, गरजू व होतकरू विद्यार्थ्यांना शैक्षणिक सहाय्य मिळवून देणे, तसेच वैचारिक प्रबोधनाची जाणीवपूर्वक चळवळ उभी करण्याच्या उद्देशाने संस्थेचे कार्य सुरू आहे.
आपल्या वाढदिवसाचे औचित्य साधत श्री. देसाई यांनी संस्थेच्या समाजभान उपक्रमासाठी रु. ११११/- ची देणगी देत आदर्श निर्माण केला. त्यांच्या या सामाजिक योगदानाबद्दल संस्थेच्या पदाधिकाऱ्यांनी समाधान व्यक्त केले.
यावेळी श्री. देसाई यांना पुढील शैक्षणिक व सामाजिक कार्यासाठी यश, उत्तम आरोग्य व दीर्घायुष्य लाभो, अशा शुभेच्छा देण्यात आल्या.
