🔥 दबंग एंट्रीने रंगला सत्कार सोहळा! 🔥
सारथी महाराष्ट्र न्यूज | वालुज | दि. 27/02/2026
वालुज येथील मनीषा नगर, वार्ड क्र. १ मध्ये मनीषा नगर दक्षिणमुखी हनुमान मंदिर समितीच्या वतीने बालाजी रघुनाथ सोनटके (जिल्हा परिषद सदस्य तथा माजी सहायक पोलिस आयुक्त, छत्रपती संभाजीनगर) यांचा भव्य सत्कार सोहळा मोठ्या उत्साहात पार पडला.
शेकडो नागरिकांच्या उपस्थितीत टाळ्यांचा कडकडाट आणि घोषणाबाजीने परिसर दणाणून गेला. शाल, श्रीफळ व पुष्पगुच्छ देऊन श्री सोनटके यांचा गौरव करण्यात आला. आपल्या मनोगतात त्यांनी वालुज व मनीषा नगरच्या सर्वांगीण विकासासाठी कटिबद्ध राहण्याची ग्वाही दिली
कार्यक्रमात विशेष आकर्षण ठरली वालुज ग्रामपंचायत सदस्यांची दबंग एंट्री. श्री नंदू सोनोने व श्री इस्माईल खान पठाण यांनी दमदार उपस्थिती नोंदवत कार्यक्रमात रंग भरला. परिसरातील नागरिकांच्या सुख-दुःखात सदैव धावून जाणारे नेतृत्व म्हणून त्यांची ओळख असून, मनीषा नगरमध्ये विविध सोयी-सुविधा उपलब्ध करून देण्यासाठी ते सातत्याने प्रयत्नशील असल्याचे यावेळी अधोरेखित करण्यात आले.
या प्रसंगी संतोष शिंदे (ठेंग मामा), दीपक वायाळ, रामकिसन जाधव, आशिष प्रधान, अशोक वाणी, अशोक खैरनार, संतोष आरगडे, कणसे मामा, प्रशांत देशमुख, कोकणे मामा, रमेश शिंदे, बाबासाहेब नाचन, अशोक हिवाळे, अर्जुन त्रिभुवन, सुभाष त्रिभुवन तसेच इतर मान्यवर व नागरिक मोठ्या संख्येने उपस्थित होते.
कार्यक्रम उत्साहपूर्ण आणि जल्लोषात संपन्न झाला.
