पनवेल ता प्रतिनिधी:-
तीर्थरूप डॉ. नानासाहेब धर्माधिकारी प्रतिष्ठानच्या वतीने डॉ. श्री अप्पासाहेब धर्माधिकारी व डॉ. श्री सचिनदादा धर्माधिकारी यांच्या मार्गदर्शनाखाली पनवेल तालुक्यात येत्या १ मार्च रोजी व्यापक स्वरूपाचे “महास्वच्छता अभियान” राबविण्यात येणार असून या उपक्रमात तीर्थरूप डॉ. श्री. नानासाहेब प्रतिष्ठानचे हजारो श्रीसदस्य उत्स्फूर्तपणे सहभागी होणार आहेत. तालुक्यातील गावोगावी स्वच्छता, जनजागृती आणि पर्यावरण संवर्धनाचा संदेश पोहोचविण्याचा या अभियानामागील मुख्य उद्देश आहे.
या महास्वच्छता अभियाना अंतर्गत प्रमुख सार्वजनिक ठिकाणे, रस्ते, शाळा परिसर, व ग्रामपंचायत हद्दीतील स्वच्छतेकडे विशेष लक्ष दिले जाणार आहे. स्वयंसेवकांकडून कचरा संकलन, प्लास्टिकमुक्ती जनजागृती आणि नागरिकांना स्वच्छतेचे महत्व पटवून देण्यासाठी विशेष मोहीम राबविण्यात येणार
हजारो श्री सदस्य १ मार्च रोजी सहभागी होणार आहे. प्रतिष्ठानच्यावतीने दिलेल्या माहितीनुसार, “स्वच्छ गाव, निरोगी समाज” या ध्येयाने प्रेरित होऊन हा उपक्रम राबविण्यात येत आहे. तालुक्यातील युवक, महिला बचतगट, सामाजिक संस्था आणि ग्रामस्थांनी मोठ्या संख्येने सहभागी होण्याचे आवाहन करण्यात आले आहे.
या महास्वच्छता अभियानामुळे तालुक्यात स्वच्छतेबाबत जागरूकता वाढून नागरिकांमध्ये पर्यावरणपूरक जीवनशैलीचा संदेश दृढ होईल असा विश्वास व्यक्त केला जात आहे. १ मार्च रोजी सकाळी ७ वाजता ठराविक ठिकाणी एकत्र येऊन अभियानाला प्रारंभ करण्यात येणार असून संपूर्ण तालुकाभर स्वच्छता अभियान राबविले जाणार आहे.
