परभणी /प्रतिनिधी :- रमेश मुलगीर
शैक्षणिक वर्ष २०२५–२६ मध्ये राबविण्यात आलेल्या ‘मुख्यमंत्री माझी शाळा सुंदर शाळा’ अभियानाच्या तिसऱ्या टप्प्यात इक़रा उर्दू प्रायमरी स्कूल मानवत या शाळेने खाजगी व्यवस्थापन गटातून मानवत तालुक्यात द्वितीय क्रमांक पटकावत उल्लेखनीय यश संपादन केले आहे.तपासणीदरम्यान शाळेतील शैक्षणिक गुणवत्ता, विद्यार्थ्यांची शैक्षणिक प्रगती, स्वच्छता, पोषण आहार व्यवस्थापन, अभिलेख नोंदी, चित्रकला व विविध स्पर्धा परीक्षा यांची सखोल पाहणी करण्यात आली. सर्व बाबींमध्ये शाळेने उत्कृष्ट कामगिरी बजावत समाधानकारक प्रगती दर्शविली.या यशामध्ये मानवत तालुक्याचे कर्तव्यदक्ष गटशिक्षण अधिकारी मा. श्री. मनोज नरवाडे,शिक्षण विस्तार अधिकारी मा.श्री.निलू पवार,केंद्रप्रमुख मा. श्री. ओम मुळे,बी.आर.सी. विषय तज्ञ श्री.गाडे , श्री. पाटील , श्री. गिरी, तसेच मोरेकर , उमाकांत हाडुले,आणि जलीसिंग,आदी मान्यवरांच्या मार्गदर्शनाचा मोठा वाटा आहे.तपासणी पथकाने शाळेतील भौतिक सुविधा, अध्यापन पद्धती आणि एकूणच शालेय वातावरणाबद्दल समाधान व्यक्त करून पुढील वाटचालीसाठी शुभेच्छा दिल्या.शाळेच्या प्रगतीमागे संस्थेचे व्यवस्थापन व शिक्षकवृंद यांचे परिश्रम मोलाचे ठरले आहेत. नोमान सेवाभावी संस्था मानवतचे संस्थापक सचिव मा. डॉ. एम. ए. रिजवान सर यांच्या नेतृत्वाखाली शाळा सातत्याने गुणवत्तापूर्ण शिक्षण देण्यासाठी कटिबद्ध आहे. तालुक्यातील शैक्षणिक क्षेत्रात या यशामुळे शाळेचे नाव उज्ज्वल झाले असून सर्व स्तरांतून अभिनंदनाचा वर्षाव होत आहे.सर्व शिक्षकांनी या यशात मोठे योगदान दिले आहे. ही यशस्वी कामगिरी संपूर्ण शाळा परिवाराच्या एकजुटीचे फल आहे. भविष्यातही विद्यार्थ्यांच्या सर्वांगीण विकासासाठी आम्ही प्रयत्नशील राहू, असे मुख्याध्यापक शिराज अली खान यांनी सांगितले.
