शाहू नगरातील डॉ. बाबासाहेब आंबेडकर सार्वजनिक जयंती उत्सव समितीची कार्यकारिणी जाहीर
परभणी / प्रतिनिधी :- रमेश मुलगीर
अध्यक्षपदी फकिरा सोनवणे तर उपाध्यक्षपदी दिलीप काकडे यांची निवड
मानवत शहरातील राजर्षी शाहू महाराज नगर येथे दिनांक ०१ मार्च रोजी नालंदा बुद्ध विहारात जयंती उत्सव नियोजनासंदर्भात महत्त्वाची बैठक आयोजित करण्यात आली. या बैठकीत महामानव डॉ. बाबासाहेब आंबेडकर यांच्या १३५ व्या सार्वजनिक जयंती उत्सवासाठी समितीची कार्यकारिणी सर्वानुमते जाहीर करण्यात आली.
डॉ. बाबासाहेब आंबेडकर सार्वजनिक जयंती उत्सव समितीच्या अध्यक्षपदी फकिरा सोनवणे यांची, तर उपाध्यक्षपदी दिलीप काकडे यांची निवड करण्यात आली. कोषाध्यक्षपदी धम्मपाल सोनटक्के, सचिवपदी कपिल तुपसमुद्रे, सहसचिवपदी रितेश पंडित यांची निवड झाली.
सल्लागार म्हणून बौद्धाचार्य नामदेव आठवणे, बौद्धाचार्य अशोक लाटे, साधूजी खरात, विठ्ठल तुपसमुद्रे, महादू कदम, तुकाराम मकासरे, दत्ता गायकवाड, सोपान खरात, बाळू तांबे यांची निवड करण्यात आली. तसेच प्रमुख मार्गदर्शक म्हणून मिलिंद खरात व किरण पंडित यांची सर्वानुमते निवड करण्यात आली.
सर्व पदाधिकाऱ्यांची निवड एकमताने करण्यात आली. यावेळी बैठकीस मोठ्या संख्येने बांधव उपस्थित होते.
