श्रीगोंदा तालुका, जि. अहिल्यानगर | प्रतिनिधी
बस थांब्यापासून पुढे गेलेल्या एसटीला पाठीमागून हात दाखवूनही बस न थांबल्याच्या रागातून एका व्यक्तीने एसटी चालकाच्या अंगावर ऑईल ओतून मारहाणीची धमकी दिल्याची धक्कादायक घटना आज सकाळी पावणे नऊ वाजण्याच्या सुमारास पिंप्री कोलंदर चौफुला (ता. श्रीगोंदा) येथे घडली.
या घटनेत एसटी चालक उद्धव भास्कर होडशीळ यांनी दिलेल्या फिर्यादीवरून दादासाहेब चांगदेव ओहोळ (वय ४०, रा. पिंप्री कोलंदर) व एका अनोळखी व्यक्तीविरुद्ध Belwandi Police Station येथे शासकीय कामात अडथळा आणल्याप्रकरणी गुन्हा दाखल करण्यात आला आहे.
मिळालेल्या माहितीनुसार, संबंधित एसटी बस थांब्यापासून पुढे गेल्यानंतर पाठीमागून हात दाखवण्यात आला; मात्र बस न थांबल्याने संतप्त झालेल्या व्यक्तींनी चालकाची कॉलर पकडून मारण्याची धमकी दिली व त्याच्या अंगावर ऑईल टाकले. या प्रकारामुळे काही काळ परिसरात तणावाचे वातावरण निर्माण झाले होते.
पोलीस अधिक तपास करत असून आरोपींविरुद्ध कठोर कारवाई करण्यात येणार असल्याची माहिती देण्यात आली आहे.
