भडगाव तालुक्यात ‘समाधान शिबीर’ अभियानाची सुरुवात

महसूल प्रशासन अधिक लोकाभिमुख व गतिमान करण्यासाठी विशेष उपक्रम

भडगाव (प्रतिनिधी) – महाराष्ट्र शासनाच्या महसूल विभागामार्फत “छत्रपती शिवाजी महाराज महाराजस्व अभियान” अंतर्गत भडगाव तालुक्यात “समाधान शिबीर” आयोजित करण्यात येणार आहे. महसूल प्रशासन अधिक लोकाभिमुख, कार्यक्षम व गतिमान करण्याच्या उद्देशाने हा विशेष उपक्रम राबविण्यात येत आहे.

शेवरे गावात गणपती बाप्पांना भावपूर्ण निरोप

नागज जिल्हा परिषद उर्दू शाळेच्या व्यवस्थापन समिती अध्यक्षपदी मल्लिका तांबोळी

डीजे वाजविल्याने लखमापूरच्या गणेश मंडळांवर गुन्हे

तहसील कार्यालय भडगाव येथे मा. तहसीलदार शितल सोलाट यांच्या मार्गदर्शनाखाली हे शिबीर पार पडणार असून उपविभागीय अधिकारी भुषण अहिरे तसेच जिल्हाधिकारी रोहन घुगे यांच्या संकल्पनेतून अभियानाला गती देण्यात आली आहे.

या अभियानांतर्गत नागरिकांच्या विविध महसूल विषयक प्रलंबित कामांचा तात्काळ निपटारा करण्यात येणार आहे. प्रलंबित फेरफार, ७/१२ मधील चुकांची दुरुस्ती, डिजिटल स्वाक्षरीचे ७/१२ व ८-अ उताऱ्यांचे वाटप, उत्पन्न-रहिवासी-जातीचे प्रमाणपत्र, नॉन-क्रीमिलेअर प्रमाणपत्र, अकृषिक (N.A.) परवानगी, सनद प्रक्रियेची माहिती, सामाजिक अर्थसहाय्य योजना मंजुरी, विद्यार्थ्यांसाठी दाखले, तुकडेबंदी कायदा प्रकरणे, पाणंद रस्त्यांच्या मान्यता आदेश, घरकुल पट्टे वाटप, ई-मोजणी अर्ज, ॲग्रीस्टॅक व PM KISAN नोंदणी आदी सेवा एकाच ठिकाणी उपलब्ध करून देण्यात येणार आहेत.

मंडळनिहाय शिबीरांचे वेळापत्रक