अंदरसूल येथील मातोश्री शांताबाई गोविंदराव सोनवणे शैक्षणिक संकुलाचे आधारस्तंभ स्व.ॲड.सुभाषराव सोनवणे यांच्या पाचव्या पुण्यतिथीनिमित्त अभिवादन व श्रद्धांजली सभेचे आयोजन करण्यात आले होते. यावेळी विविध मान्यवरांनी त्यांच्या स्मृतींना उजाळा देत भावपूर्ण आदरांजली अर्पण केली.
कार्यक्रमाच्या अध्यक्षस्थानी अरुण भांडगे हे होते. कार्यक्रमाची सुरुवात ॲड.स्व.सुभाषराव (अण्णा) सोनवणे यांच्या प्रतिमेच्या पूजनाने व सहकार महर्षी स्व.गोविंदराव (नाना) सोनवणे यांच्या पुतळ्याला पुष्पहार अर्पण करून करण्यात आली.कार्यक्रमाचे प्रास्ताविक शिक्षक अमोल आहेर यांनी केले, ज्यामध्ये त्यांनी स्व.सुभाषरावजींच्या शैक्षणिक आणि सामाजिक कार्याचा आढावा घेतला.
विद्यार्थीनी पायल माळी, चैतन्य सोनवणे आणि नूतन गायकवाड या विद्यार्थ्यांनी आपल्या भाषणातून स्व.ॲड.सुभाषराव (अण्णा) सोनवणे यांच्या कार्याबद्दलकृतज्ञता व्यक्त केली.
शिक्षिका शोभा निकम यांनी स्वरचित कवितेच्या माध्यमातून आपल्या भावना व्यक्त करत उपस्थितांची मने जिंकली.
संस्थेचे खजिनदार मकरंद सोनवणे यांनी स्व.ॲड.सुभाषराव (अण्णा) सोनवणे यांच्या स्वप्नातील शैक्षणिक संकुल उभारण्यासाठी संस्था कटिबद्ध असल्याचे आपल्या भाषणात नमूद केले.
याप्रसंगी संस्थेचे उपाध्यक्ष सुदामराव सोनवणे, सरचिटणीस अमोल सोनवणे, सहचिटणीस मयूर सोनवणे, संचालक जनार्दन जानराव, आकाश सोनवणे, रामनाथ काका एंडाईत, तसेच माजी सरपंच तथा विद्यमान सदस्या सौ. विनिता अमोल सोनवणे यांची प्रमुख उपस्थिती होती.
तसेच इंग्लिश मिडीयम स्कूलचे प्रिन्सिपल अल्ताफ खान, ज्युनिअर कॉलेजचे प्राचार्य सचिन सोनवणे, सेमीच्या मुख्याध्यापिका जयश्री परदेशी, सिनियर कॉलेजच्या प्राचार्या डॉ.सुवर्णा कडलक यांच्यासह गणेश सोनवणे, सचिन घोडके, अजीम पटेल, राजेश कांबळे, गोकुळ वाणी, मयूर भागवत, सचिन बोढरे, माधुरी माळी, अर्चना एंडाईत, निलिमा देशमुख, शर्मिला पवार, सुनिता वडे, प्रिया भागवत, योगिता घोंघाणे, श्रावणी खेरुड, सुप्रिया कुळधर, निर्मला शिकारे, वैशाली शिंदे आदी उपस्थित होते.
कार्यक्रमाचे सूत्रसंचालन शिक्षक अजहर खतीब यांनी प्रभावीपणे केले, तर आभार प्रदर्शन शिक्षक दीपक खैरनार यांनी मानले. या प्रसंगी संकुलातील विद्यार्थी, शिक्षक -शिक्षिका आणि शिक्षकेत्तर कर्मचारी मोठ्या संख्येने उपस्थित होते.
