परभणी/प्रतिनिधी :- रमेश मुलगीर
महाराष्ट्र शासन
तहसिलदार तथा तालुका दंडाधिकारी मानवत कार्यालय
(संवर्ग : संकीर्ण)
जा.क्र./2025/ संकीर्ण/कार्य
दि. 02/03/2026
प्रेस नोट
छत्रपती शिवाजी महाराज महसूल समाधान शिबीर अभियान अंतर्गत टप्पा क्र. 01 ची अंमलबजावणी करण्याबाबत शासन निर्णय दि. 18.02.2026 नुसार सर्वसामान्य जनता व शेतकरी यांचे महसूल विभागांतर्गत क्षेत्रीय कार्यालयांशी संबंधित दैनंदिन प्रश्न त्वरित निकाली काढणे, महाराष्ट्र जमीन महसूल संहितेच्या नवीन तरतुदींची जनजागृती करणे / प्रभावी अंमलबजावणी करणे, डिजिटल सेवांचा जास्तीत जास्त वापर सुनिश्चित करणे, नागरिकांना Single Day Service Delivery द्वारे सेवा पुरविणे या उद्देशाने माहे मार्च ते माहे मे या कालावधीमध्ये मानवत तालुक्यामध्ये महसूल मंडळ स्तरावर तसेच नगर परिषद / नगर पंचायत पातळीवर छत्रपती शिवाजी महाराज महसूल समाधान शिबीर अभियान टप्पा 01 राबविण्यात येणार आहे.
त्या अनुषंगाने मानवत तालुक्यात दिनांक 07.03.2026 रोजी केकरजवळ मंडळ, 14.03.2026 रोजी कोल्हा मंडळ, 10.04.2026 रोजी ताडबोरगाव मंडळ, 17.04.2026 रोजी रामपुरी मंडळ, 08.05.2026 रोजी मानवत मंडळ येथे सदर कार्यक्रम प्रभावीपणे राबविण्यात येणार आहे. सदर शिबिरामध्ये ग्रामीण भागातील सर्व सामान्य जनता, शेतकरी, विद्यार्थी व महिला यांचे संबंधित प्रश्नांचे निराकरण करणे व त्यांच्या तक्रारी जलद गतीने निकाली काढणे तसेच महसूल प्रशासन अधिक कार्यक्षम व गतिमान करण्यासाठी तालुक्यातील मंडळ स्तरावर शिबीर आयोजित करण्यात येणार आहे.
त्यामुळे सदर शिबिरामध्ये मानवत तालुक्यातील जास्तीत जास्त नागरिकांनी सहभाग नोंदवावा.
तहसिलदार, मानवत:-
