जागतिक महिला दिनानिमित्त एचपीव्ही लसीकरण मोहिमेवर व्याख्यान संपन्न

जागतिक महिला दिनानिमित्त एचपीव्ही लसीकरण मोहिमेवर व्याख्यान संपन्न

श्री भुलेश्वर माध्यमिक विद्यालय, भुलेगाव ता येवला येथे दि. 8 मार्च 2026 रोजी जागतिक महिला दिनानिमित्त एचपीव्ही लसीकरण मोहिमेअंतर्गत मार्गदर्शनपर व्याख्यान कार्यक्रम उत्साहात संपन्न झाला.
कार्यक्रमाची सुरुवात राजमाता जिजाऊ व सावित्रीबाई फुले यांच्या प्रतिमापूजनाने करण्यात आली. यावेळी प्राथमिक आरोग्य केंद्र भारम येथील आरोग्य सेवक श्री. संदीप चव्हाण व आरोग्य सेविका सौ. दिपीका वरखडे उपस्थित होते. विद्यालय च्या वतीने सौ. दिपीका वरखडे स्वागत केले.
यावेळी श्री. उंडे सर यांनी जागतिक महिला दिनाचे महत्त्व सांगत महिलांचे समाजातील योगदान आणि शिक्षणाचे महत्त्व यावर मार्गदर्शन केले. त्यानंतर आरोग्य सेविका दिपीका वरखडे यांनी एचपीव्ही लसीकरण मोहिमेबाबत विद्यार्थ्यांना सविस्तर माहिती देत या लसीकरणाचे आरोग्यदृष्ट्या असलेले महत्त्व स्पष्ट केले.
कार्यक्रमाच्या शेवटी आरोग्य सेवक संदीप चव्हाण यांच्या हस्ते विद्यार्थ्यांना कॅडबरीचे वाटप करण्यात आले.
या कार्यक्रमाला शाळेतील शिक्षकवृंद, शिक्षकेतर कर्मचारी तसेच भुलेगाव, देवठाण, भायखेडे, पिंपळखुटे बु., पिंपळखुटे खु. येथील विद्यार्थी व पालक मोठ्या संख्येने उपस्थित होते.
अजिंक्यतारा शिक्षण प्रसारक मंडळ, येवला संस्थेचे संस्थापक आदरणीय श्री. प्रकाशराव कोल्हे सर यांच्या अमृतवाणी मार्गदर्शनाखाली कार्यक्रम पार पडला. कार्यक्रमाचे आभार प्रदर्शन श्री. देवरे सर यांनी केले.