कन्नड प्रतिनिधी|: छत्रपती संभाजीनगरमध्ये नवनियुक्त जिल्हा परिषद सदस्यांचा गौरव सोहळा संपन्न!भाजप जिल्हा परिषद सदस्य प्रा. डॉ. संजय गव्हाणे यांचा मान्यवरांच्या हस्ते सत्कारछत्रपती संभाजीनगर:येथील दिव्य मराठी आणि डॉ. जीवन राजपूत यांच्या संयुक्त विद्यमाने आयोजित करण्यात आलेल्या एका विशेष समारंभात छत्रपती संभाजीनगर जिल्हा परिषदेच्या नवनियुक्त सदस्यांचा सत्कार सोहळा मोठ्या उत्साहात पार पडला.
या सोहळ्यात भारतीय जनता पार्टीचे जिल्हा परिषद सदस्य प्रा. डॉ. संजय गव्हाणे यांचा गौरव करण्यात आला.राजकीय आणि सामाजिक क्षेत्रातील दिग्गजांच्या उपस्थितीने हा सोहळा लक्षवेधी ठरला.
याप्रसंगी राज्याचे सामाजिक न्याय मंत्री तथा जिल्ह्याचे पालकमंत्री ना. श्री. संजय शिरसाठ, तसेच इतर मागास बहुजन कल्याण व दुग्ध विकास मंत्री ना. श्री. अतुलजी सावे यांची प्रमुख उपस्थिती होती.यासोबतच छत्रपती संभाजीनगरचे खासदार मा. श्री. संदीपान भुमरे, आमदार मा. श्री. संतोषजी दानवे आणि शहराचे महापौर मा. श्री. समीरदादा राजूरकर यांनीही या कार्यक्रमाला उपस्थित राहून नवनियुक्त सदस्यांना पुढील वाटचालीस शुभेच्छा दिल्या.
प्रा. डॉ. संजय गव्हाणे यांच्या कार्याची दखल घेत सर्व मान्यवरांनी त्यांचे अभिनंदन केले. ग्रामीण भागातील प्रश्नांना जिल्हा परिषदेच्या माध्यमातून न्याय मिळेल, असा विश्वास या प्रसंगी व्यक्त करण्यात आला.
या सत्कार सोहळ्याला जिल्हयातील अनेक मान्यवर, पदाधिकारी आणि कार्यकर्ते मोठ्या संख्येने उपस्थित होते.
