नवी मुंबई कोट्यावधींचा मुद्रांक शुल्क घोटाळा
अनधिकृती इमारतीमधील ९४१ दस्ताची बेकायदेशीर नोंदणी करून शासनाचा तब्बल १३ कोटी ९१ लाख ३३ हजार रुपयांचा मुद्रांक शुल्क महसूल बुडवल्याचा धक्कादायक प्रकार घडला आहे तुर्भे पोलिसांनी या प्रकरणाची कोपरखैरणे कार्यालयातील तत्कालीन प्रभारी सह दुय्यम निबंधकासह एजंट व इतरांवर सरकारी पदाचा गैरवापर करून शासनाची आणि जनतेची फसवणूक केल्याप्रकरणी गुन्हा दाखल केला आहे.महसूल विभागातील या मोठ्या घोटाळ्यामुळे प्रशासकीय वर्तुळात खळबळ उडाली आहे कोपरखैरणे येथील सह दुय्यम निबंधक सहकारी संस्था सिडको कार्यालय सप्टेंबर २०२४ ते २०२५ या कालावधी प्रभारी सह दुय्यम निबंधक म्हणून कार्यरत असताना राजकुमार दहिफळे यांनी दस्ताची नोंदणी एजंट योगेश चव्हाण आणि इतरांच्या मदतीने अनाधिकृत इमारतीमधील बेकायदेशीर दस्ताची नोंदणी करून मोठ्या प्रमाणात गैरव्यवहार केला. या बाबतीत तक्रार प्राप्त झाल्याने ठाणे येथील जिल्हा उपनिबंधक सहकारी संस्था यांच्या वतीने राजकुमार दहिफळे कार्यरत असताना झालेल्या दस्त नोंदणी कागदपत्रांची तपासणी करण्यात आली. तपासणीत दहिफळे यांनी भारतीय नोंदणी अधिनियम तरतुदींचे उल्लंघन करून सिडको ९४१ दस्ताची बेकायदेशीर नोंदणी करताना जाणूनबुजून कमी मुद्रांक आकारल्याचे आढळून आले या बेकायदेशीर कृत्यामुळे महाराष्ट्रात शासनाच्या महसूल विभागाचे तब्बल १३ कोटी ९१ लाखांहून अधिक नुकसान झाल्याचे तपासात आढळून आले. दहिफळे एजंट योगेश चव्हाण आणि इतरांच्या मदतीने हा सर्व गैरव्यवहार केल्याने आढळून आल्यानंतर जिल्हा उपनिबंधक कार्यालयाचे सदरचे चौकशी अहवाल शासनाकडे पाठवला होता. शासनाने या प्रकरणाची दोषींवर कायदेशीर कारवाईचे निदर्शने दिल्यानंतर ठाण्याच्या प्रभारी सह दुय्यम निबंधक ज्योती राऊत यांनी बुधवारी 5 मार्च रोजी तुर्भे पोलिस ठाण्यात या प्रकरणाची रीतसर तक्रार दाखल केली त्यानंतर पोलिसांनी दहिफळे यांच्यासह एजंट योगेश चव्हाण व इतरांवर भारतीय न्याय संहितेच्या आणि भारतीय नोंदणी अधिनियमाच्या विविध कलमांखाली गुन्हा दाखल केला. तसेच पुढील कारवाई सुरू केली आहे.
