जागतिक महिलादिना निमित्त “कन्या सबलीकरण” उपक्रमाचे आयोजन

सांगली जिल्हा प्रतिनिधी :नितिन बदडे 9881887717

जत येथे जिल्हाधिकारी कार्यालय सांगली व शिक्षण व क्रीडा विभाग, सांगली यांच्या संयुक्त विद्यमाने ८ मार्च ‘जागतिक महिला दिना’निमित्त “कन्या सबलीकरण” या उपक्रमांतर्गत येल्लो बेल्ट व प्रमाणपत्र वितरण कार्यक्रम उत्साहात पार पडला. यावेळी विद्यार्थिनींना येल्लो बेल्ट व प्रमाणपत्र देऊन त्यांचे कौतुक करण्यात आले तसेच त्यांच्या उज्ज्वल भविष्यासाठी शुभेच्छा देण्यात आल्या.

जत नगर परिषदचे नगराध्यक्ष मा. रविंद्र आरळी साहेब यांनी आज महिला सर्वच क्षेत्रात अग्रेसर आहेत त्याचबरोबर आजच्या धावत्या युगात आरोग्य ही तितकेच महत्त्वाचे आहे हे सांगितले. फास्ट फूड, जंक फूड ऐवजी आपला देशी सकस आहार घेणे गरजेचं आहे हेही लक्षात आणून दिले. जत तालुक्याचे भाग्यविधाते म्हणून ज्यांची ओळख आहे असे लोकप्रिय आमदार गोपीचंद पडळकर यांनी सर्व विद्यार्थिनीना जीवनातील येणाऱ्या अपयशाला न घाबरता धाडसाने खंबीर पणे तोंड द्यायला शिकले पाहिजे.’आंधळ्या आईची आणि मुलाची गोष्ट सांगून सर्वांचे डोळे पानवून सोडले…. *स्त्री ही फक्त घराची नाही,तर जगाची शक्ती आहे.तिला पंख द्या ती आकाश गाठेल.तिला आधार द्या, ती जग बदलेल.तिला हक्क द्या, ती न्याय आणेल.तिला संधी द्या, ती प्रगती घडवेल.* याप्रसंगी नगराध्यक्ष रवींद्र आरळी सर, प्रांताधिकारी मा.अजयकुमार नष्टे , तहसीलदार मा. प्रविण धानोरकर तसेच गट शिक्षण अधिकारी मा. राम फरकांडे, जि. प. सदस्य सरदार पाटील, तोरणे साहेब, रमेश देवर्षी, सौ. पाटीलताई,मा. चंदू कोळेकर, मा. नगरसेवक राजू यादव आणि मोठ्या संख्येने शिक्षक पालक,विद्यार्थी उपस्थित होते. कन्यांच्या सबलीकरणासाठी आणि आत्मविश्वास वाढवण्यासाठी *असे उपक्रम निश्चितच प्रेरणादायी ठरत आहेत* .