भाजपा आदिवासी आघाडी प्रदेशाध्यक्ष तथा माजी आमदार डॉ.देवराव होळी यांची उपस्थिती
नितेश गट्टीवार गडचिरोली (चामोर्शी): दि.९ मार्च भारतीय जनता पक्षाच्या वतीने आयोजित पंडित दीनदयाळ उपाध्याय प्रशिक्षण महा अभियान 2026 नागपूर येथे उत्साहात संपन्न झाले. या प्रशिक्षण शिबिरात पक्ष संघटन बळकट करण्यावर, कार्यकर्त्यांचे कौशल्य वाढविण्यावर आणि गावागावात जनसंपर्क वाढविण्यावर विशेष भर देण्यात आला.या कार्यक्रमाला महाराष्ट्र आदिवासी मोर्चाचे प्रदेशाध्यक्ष तथा माजी आमदार डॉ. देवराव होळी, माजी खासदार रामदासजी तडस, भाजपा विदर्भ समन्वयक उपेंद्र कोठेकर, विधानपरिषद सदस्य परिणय फुके, योगेश पांडे, संजय खुंटे, तसेच अर्चना देहांकार यांची प्रमुख उपस्थिती होती.यावेळी मार्गदर्शन करताना मान्यवरांनी “प्रशिक्षण ते नवाचार” हा या महाभियानाचा मुलमंत्र असल्याचे सांगितले. पक्ष कार्यकर्त्यांनी गावागावात जाऊन पक्षाची विचारधारा पोहोचवावी, केंद्र व राज्य सरकारच्या विविध जनकल्याणकारी योजनांची माहिती नागरिकांपर्यंत पोहोचवावी आणि पात्र लाभार्थ्यांना त्या योजनांचा लाभ मिळवून देण्यासाठी सक्रिय मदत करावी, असे आवाहन त्यांनी केले.या प्रशिक्षण महाभियानाच्या माध्यमातून कार्यकर्त्यांना संघटनात्मक कौशल्य, जनसंपर्क तंत्र आणि योजनांच्या प्रभावी अंमलबजावणीबाबत मार्गदर्शन करण्यात आले. मोठ्या संख्येने कार्यकर्त्यांनी उपस्थित राहून प्रशिक्षणाचा लाभ घेतला.कार्यक्रमामुळे आगामी काळात पक्ष संघटन अधिक मजबूत होईल आणि शासनाच्या योजना तळागाळातील नागरिकांपर्यंत प्रभावीपणे पोहोचतील, असा विश्वास यावेळी व्यक्त करण्यात आला. या प्रशिक्षण वर्गास नागपूर, वर्धा, गडचिरोली, चंद्रपूर, गोंदिया, भंडारा आदी जिल्ह्यातील जिल्हाध्यक्ष, जिल्हा पदाधिकारी, तालुका अध्यक्ष सहित प्रमुख पदाधिकारी उपस्थित होते.
