गृहिणींचे बजेट कोलमडणार! आता गॅस सिलिंडरसाठी २५ दिवस वाट पाहावी लागणार; नवीन नियमामुळे सर्वसामान्य ग्राहकांची कोंडी
विशेष प्रतिनिधी: रोहित जगताप (सारथी महाराष्ट्राचा)
पुणे/मुंबई:महागाईच्या आगीत होरपळणाऱ्या सर्वसामान्यांसाठी आणखी एक धक्कादायक बातमी समोर आली आहे. घरगुती गॅस सिलिंडर (LPG) वितरणाबाबत आता कडक निर्बंध लादण्यात आले असून, एका सिलिंडरनंतर दुसरा सिलिंडर बुक करण्यासाठी ग्राहकांना आता किमान २५ दिवसांची प्रतीक्षा करावी लागणार आहे. या नवीन नियमामुळे गॅसचा वापर जपून करावा लागणार असून, मोठ्या कुटुंबांची मोठी गैरसोय होण्याची शक्यता निर्माण झाली आहे.नेमका नवीन नियम काय?
तेल कंपन्यांनी घेतलेल्या नवीन निर्णयानुसार, ग्राहकांना आता एका महिन्यात हवा तसा सिलिंडर बुक करता येणार नाही. एकदा सिलिंडरची डिलिव्हरी मिळाल्यानंतर, पुढील २५ दिवसांपर्यंत दुसरे बुकिंग स्वीकारले जाणार नाही. यापूर्वी हा कालावधी १५ दिवसांचा होता, मात्र आता त्यात वाढ करण्यात आली आहे. गॅसचा होणारा काळाबाजार रोखण्यासाठी आणि व्यावसायिक वापर कमी करण्यासाठी हे पाऊल उचलल्याचे बोलले जात आहे.
ग्राहकांवर होणारे परिणाम:• मोठ्या कुटुंबांची अडचण: ज्या घरांमध्ये ५ पेक्षा जास्त सदस्य आहेत किंवा जिथे गॅसचा वापर जास्त आहे, तिथे एक सिलिंडर २५ दिवस टिकणे कठीण असते. अशा कुटुंबांना आता ऐन वेळी सिलिंडर संपल्यास मोठ्या अडचणीचा सामना करावा लागेल.
• गृहिणींचे बजेट विस्कटणार: गॅस संपण्याच्या भीतीने आता पर्यायी इंधनाचा शोध घ्यावा लागणार आहे. हॉटेलिंग किंवा बाहेरून जेवण मागवल्यास खिशाला अधिक कात्री लागणार आहे.
• तातडीच्या वेळी अडवणूक: सण-उत्सव किंवा पाहुणे आल्यास गॅसचा वापर वाढतो. अशा वेळी २५ दिवसांची अट नडण्याची दाट शक्यता आहे.प्रशासनाचे आवाहन: ‘गॅस जपून वापरा’गॅस कंपन्यांनी ग्राहकांना ‘गॅस जपून वापरा’ असा सल्ला दिला आहे. सिलिंडरची होणारी टंचा
