अहिल्यानगर : नगर–जामखेड रोडवरील भिंगार नाला ते जामखेड नाका या दरम्यानचा रस्ता अत्यंत खराब झाल्याने नागरिक व वाहनचालकांना मोठा त्रास सहन करावा लागत आहे. नगर–जामखेड रोडच्या इतर बहुतांश भागांचे काँक्रिटीकरण पूर्णत्वाकडे आले असताना कॅन्टोन्मेंट हद्दीतील हा महत्त्वाचा टप्पा अद्याप प्रलंबित असल्याने स्थानिक नागरिकांमध्ये नाराजी व्यक्त होत आहे.या पार्श्वभूमीवर आज अहिल्यानगर कॅन्टोन्मेंट बोर्डाच्या मुख्य कार्यकारी अधिकारी सौ. पल्लवी विजयवंशी यांच्याशी दूरध्वनीवर चर्चा करून त्यांच्या कार्यालयात रस्त्याच्या कामाबाबत निवेदन सादर करण्यात आले. या कामाबाबत त्यांनी सकारात्मक प्रतिसाद देत लवकरच याबाबत कार्यवाही करण्याचे आश्वासन दिल्याची माहिती देण्यात आली.दरम्यान, सदर रस्त्याच्या कामासाठी माजी खासदार डॉ. सुजयदादा विखे पाटील तसेच नगर–श्रीगोंदा मतदारसंघाचे आमदार श्री. विक्रमदादा पाचपुते यांच्या माध्यमातूनही सातत्याने पाठपुरावा सुरू असून लवकरच या कामाबाबत सकारात्मक निर्णय होईल, अशी अपेक्षा व्यक्त करण्यात येत आहे.यावेळी भाजपचे ज्येष्ठ नेते तथा अहिल्यानगर कॅन्टोन्मेंट बोर्डाचे उपाध्यक्ष श्री. वसंतजी राठोड तसेच चिचोंडी पाटीलचे माजी सरपंच व भाजप तालुका अध्यक्ष श्री. मनोज कोकाटे उपस्थित होते.
