बातमीदार :- पानचिंचोली कदम निवृत्ती जिल्हा परिषद केंद्रीय प्राथमिक शाळा व जिल्हा परिषद कन्या प्राथमिक शाळा पानचिंचोली ता निलंगा जि लातूर यांच्या संयुक्त विद्यमाने ‘कलाविष्कार’ कार्यक्रम उत्साहातकार्यक्रमाच्या सुरुवातीला मान्यवरांच्या हस्ते दीपप्रज्वलन करून कार्यक्रमाचे उद्घाटन करण्यात आले. कार्यक्रमाचे अध्यक्ष निलंगा पंचायत समिती सभापती सौ सुनिताताई संतोष वाघमारे प्रमुख पाहुणे पंचायत समिती निलंगा गट विकास अधिकारी श्री संतोषजी स्वामी सर पान चिंचोली चे सरपंच गीतांजली हनुमंते माजी सरपंच श्रीकांत साळुंखे पानचिंचोली उपसरपंच बाब्रुवान जाधव कॅस्ट्राइब संघटनेचे राज्य महासचिव गायकवाड साहेब शिक्षक व समिती व शिक्षक संघटनेचे पदधिकारी यावेळी शाळेच्या मुख्याध्यापककन्या प्राथमिक साबणे सर मस्के सरउपस्थितांचे स्वागत करून कार्यक्रमाचे महत्त्व स्पष्ट केले. विद्यार्थ्यांच्या सर्वांगीण विकासासाठी शैक्षणिक उपक्रमांसोबतच कला, संस्कृती आणि क्रीडा यांना तितकेच महत्त्व असल्याचे त्यांनी सांगितलं कार्यक्रमाचे सूत्रसंचालन कन्या शाळेच्या विद्यार्थिनी कुमारी वैभवी इंद्राळे आणि कुमारी सिद्धी हनुमंते यांनी केले‘कलाविष्कार’ कार्यक्रमात विद्यार्थ्यांनी विविध सांस्कृतिक सादरीकरणे करून उपस्थितांची मने जिंकली. यात देशभक्तीपर गीते, नृत्य, लघुनाटिका, समूहगीत, कथाकथन, नाट्यछटा आणि पारंपरिक वेशभूषा सादरीकरण अशा विविध कार्यक्रमांचा समावेश होता. लहानग्या विद्यार्थ्यांनी आत्मविश्वासाने आणि उत्साहाने आपले कलागुण सादर केले. त्यांच्या सादरीकरणाला उपस्थितांकडून जोरदार टाळ्यांचा कडकडाट मिळाला.विशेषतः देशभक्तीपर नृत्य आणि सामाजिक संदेश देणाऱ्या लघुनाटिकांनी उपस्थितांचे विशेष लक्ष वेधून घेतले. स्वच्छता, शिक्षणाचे महत्त्व आणि पर्यावरण संरक्षण यांसारख्या विषयांवर विद्यार्थ्यांनी प्रभावी सादरीकरण केले. या माध्यमातून विद्यार्थ्यांनी समाजाला सकारात्मक संदेश देण्याचा प्रयत्न केला.कार्यक्रमाच्या यशस्वी आयोजनासाठी दोन्ही शाळांतील शिक्षकांनी विशेष मेहनत घेतली. विद्यार्थ्यांना मार्गदर्शन करून त्यांच्या कलागुणांना प्रोत्साहन दिले. कार्यक्रमामुळे विद्यार्थ्यांमध्ये आत्मविश्वास वाढण्यासोबतच त्यांना स्वतःची कला सादर करण्यासाठी एक व्यासपीठ मिळाले.कार्यक्रमाच्या शेवटी उत्कृष्ट सादरीकरण करणाऱ्या विद्यार्थ्यांचे कौतुक करण्यात आले. तसेच कार्यक्रमाच्या यशस्वी यशवितेसाठी प्रवीण रणदिवे सर, होळीकर सर, राजमाने सर, ठोके सर, रणखांब मॅडम, सुवर्णकार मॅडम, भोसले मॅडम, जगले मॅडम यांनी परिश्रम घेतले तर आभार श्री. तुळशीदास धडे सर यांनी मांडले
