मिरजेतील रेल्वे स्थानकाजवळील एका पडक्या इमारती मध्ये अनाधिकृत रित्या राहणाऱ्या दोघा बांगलादेशी नागरिकांना हिरेन फरमान सोनार (वय ३५) आणि पोरोश शरदुल चोकदार (वय २७ रा. मूळ बांगलादेश) एका घडफोडी प्रकरणी अटक केल्याने मिरजेमध्ये एकच खळबळ उडाली असून स्थानिक गुन्हे अन्वेषण विभागाचे निरीक्षक संजीव झाडे यांच्या पथकाने त्यांच्याकडून तब्बल १२ लाखांचा मुद्देमाल हस्तगत केला आहे. याबाबत अधिक माहिती अशी, कि स्थानिक गुन्हे अन्वेषण विभागाला मिळालेल्या गोपनीय माहितीनुसार मंगळवारी दोन संशयित चोरीचे सोन्या चांदीचे दागिने विक्रीसाठी झुलेलाल मंदिर परिसरातून कोल्हापूर रस्त्याकडे जाणार आहेत या मिळालेल्या माहितीनुसार पोलिसांनी या परिसरात सापळा रचला असता या रस्त्यावर दुचाकीजवळ संशयितरित्या दोघा तरुणांना पोलिसांनी ताब्यात घेतले. त्यांच्याजवळ अधिक चौकशी केली असता त्यांनी आपली ओळख सांगितली. पोलिसांनी या दोघांपैकी हिरेन याची झडती घेतली असता त्याच्याकडून सोन्याचे दागिने, मोबाईल, बांगलादेशी ओळखपत्र, आणि रोख रक्कम तर पोरोश चोकदार याच्या कडे असलेल्या सॅक मध्ये मोठ्या प्रमाणावर चांदीचे दागिने आढळून आले. या दोघांकडे पोलिसांनी कसून चौकशी केली असता भारतामध्ये राहण्याचा कोणताही वैध परवाना यांच्याकडे आढळून आला नाही आरोपीना जप्त केलेल्या मुद्देमालासह अधिक तपासासाठी सांगली शहर पोलिसांच्या ताब्यात देण्यात आले असून या कामगिरी मध्ये स्थानिक गुन्हे अन्वेषण विभागाचे निरीक्षक संजीव झाडे यांच्या मार्गदर्शनाखाली उपनिरीक्षक पोवार आणि त्यांच्या पथकाने भाग घेतला. मात्र गेल्या दीड एक वर्षांपासून या दोघांचे वास्तव्य मिरजेतील रेल्वे स्थानकाजवळ एका पडक्या इमारती मध्ये होते हि आश्चर्याची बाब म्हणावी लागेल.
