आजरा अर्बन बँकेत गुढीपाडव्याचा शुभमुहूर्त; एकाच दिवसात ८ कोटी ४७ लाखांच्या ठेवी जमा

आजरा: (प्रतिनिधी)
दि आजरा अर्बन को-ऑपरेटिव्ह बँक लि. (मल्टी-स्टेट) या बँकेने यंदाच्या गुढीपाडव्याच्या शुभमुहूर्तावर ठेवींचा नवा उच्चांक प्रस्थापित केला आहे. बँकेत एकाच दिवसात १,४७९ नवीन खाती उघडून तब्बल ८ कोटी ४७ लाख रुपयांच्या ठेवी जमा झाल्या आहेत. ग्रामीण आणि शहरी अशा दोन्ही भागात विस्तारलेल्या या बँकेवर ग्राहकांनी दाखवलेल्या दृढ विश्वासामुळेच हे यश मिळाल्याचे बँकेने म्हटले आहे.
​१८९६ कोटींचा एकूण व्यवसाय
​बँकेच्या सद्यस्थितीतील प्रगतीचा आढावा घेतल्यास, बँकेकडे सध्या १,१२८ कोटी रुपयांच्या ठेवी असून ७६८ कोटी रुपयांची कर्जे आहेत. यामुळे बँकेचा एकूण मिश्र व्यवसाय १,८९६ कोटी रुपयांवर पोहोचला आहे. या यशाबद्दल बँकेचे चेअरमन व अण्णाभाऊ संस्था समूहाचे प्रमुख मा. श्री. अशोकअण्णा चराटी, व्हा. चेअरमन मा. श्री. संजय चव्हाण व संचालक मंडळाने सर्व ठेवीदार, सभासद आणि हितचिंतकांचे आभार मानले असून सर्वांना गुढीपाडव्याच्या शुभेच्छा दिल्या आहेत.
​विविध कर्ज योजना आणि सवलती
​बँकेमार्फत केंद्र व राज्य शासनाच्या विविध योजना प्रभावीपणे राबवल्या जात आहेत. यामध्ये:
​PMFME (सूक्ष्म अन्न प्रक्रिया उद्योग)
​PMEGP कर्ज योजना
​अण्णासाहेब पाटील महामंडळ कर्ज योजना
​ॲपल कर्ज योजना: ॲपलच्या उत्पादनांसाठी माफक व्याजदरात कर्ज.
​हमसफर कर्ज योजना: पर्यटकांसाठी विशेष सुविधा.
​आधुनिक डिजिटल बँकिंगवर भर
​बँकेने तंत्रज्ञानाच्या युगात पाऊल टाकत ग्राहकांसाठी आधुनिक सुविधा उपलब्ध करून दिल्या आहेत. FCO कार्यप्रणालीद्वारे त्वरित बचत खाते उघडण्याची सोय, मोबाईल बँकिंग, iOS ॲप्लिकेशन, Google Pay, PhonePe, Paytm आणि QR Code अशा सुविधा दिल्या जात आहेत. तसेच व्हॉट्सॲप बँकिंगच्या (Whatsapp Banking) माध्यमातून खाते स्टेटमेंट पाहणे, चेक बुक रिक्व्वेस्ट देणे आणि खाते ब्लॉक करणे यांसारख्या सेवाही घरबसल्या उपलब्ध आहेत. या सर्व सुविधांचा लाभ ग्राहकांनी घ्यावा, असे आवाहन चेअरमन श्री. अशोक चराटी यांनी केले आहे.