आमदार विठ्ठलराव लंघे पाटील यांच्या विशेष प्रयत्नातून मंजूर झालेल्या ५५ लाख रुपये किंमतीच्या विविध विकासकामांचे लोकार्पण व भूमिपूजन समारंभ त्यांच्या हस्ते उत्साहात पार पडला. या कामांमुळे परिसरातील पायाभूत सुविधा मजबूत होण्यास मदत होणार आहे.
या कार्यक्रमाला डॉ. करणसिंह घुले पाटील, शिवसेना नेते भाऊसाहेब मामा वाघ, अंकुशराव काळे, प्रताप चिंधे यांसह अनेक मान्यवरांची उपस्थिती लाभली. विविध गावांचे सरपंच, पदाधिकारी आणि कार्यकर्तेही मोठ्या संख्येने उपस्थित होते.
माका येथील ग्रामस्थांनी कार्यक्रमाला उत्स्फूर्त प्रतिसाद देत विकासकामांबद्दल समाधान व्यक्त केले. या उपक्रमामुळे परिसराच्या विकासाला गती मिळेल, असा विश्वास उपस्थितांनी व्यक्त केला.
