माहूर (प्रतिनिधी) — रमजान ईदच्या निमित्ताने मंत्रालयीन सनदी अधिकारी प्रशांत राठोड यांनी माहूर शहरासह परिसरातील मुस्लिम बांधवांच्या गाठीभेटी घेत शुभेच्छा दिल्या. या भेटीद्वारे सर्वधर्मसमभावाची जाणीवपूर्वक जोपासना करत सामाजिक एकतेचा संदेश दिला.
प्रशांत राठोड हे माहूर-किनवट तालुक्यात सामाजिक कार्यासाठी ओळखले जात असून, वृक्षलागवड, वन्यप्राण्यांसाठी पाणी उपलब्ध करून देणे, अनाथ मुलींचे विवाह तसेच विविध सामाजिक उपक्रमांमध्ये त्यांचा सक्रिय सहभाग असतो. कोणत्याही निमंत्रणाची वाट न पाहता ते विविध समाजघटकांच्या कार्यक्रमांना उपस्थित राहून मदत करत असल्याने सर्वधर्मीयांमध्ये त्यांच्याबद्दल आदर आहे.
ईद निमित्त त्यांनी माहूर शहरात मुस्लिम बांधवांची भेट घेतली. यावेळी कादरभाई दोसानी, सरफराज दोसानी, सलीमभाई खाकरा, यासीनभाई बाणानी, इसाकभाई, रफिकभाई, निसारभाई कुरेशी, जाबीरभाई आतार, फिरोजभाई, आयुबभाई, उस्मानभाई, महमूदभाई, शब्बीरभाई, रहीमभाई, आरिफभाई, वसीमभाई आदींसह शेकडो नागरिक उपस्थित होते. तसेच वाईबाजार, गोंडवाडा परिसरातील मुस्लिम बांधवांनाही त्यांनी भेटी दिल्या.
या वेळी विजय कांबळे, किसन राठोड, दिनेश पवार, बंडू राठोड, प्रदीप पवार, रवि वायकुळे, संजय गायकवाड, अशोक राजूरवार, करण गेडाम आदींसह विविध समाजातील नागरिक मोठ्या संख्येने उपस्थित होते.
या उपक्रमामुळे माहूर शहरात सामाजिक ऐक्य व भाईचाऱ्याचे वातावरण निर्माण झाले असून, नागरिकांकडून राठोड यांच्या कार्याचे कौतुक करण्यात येत आहे.
