पिंपरखेड (प्रतिनिधी) : जळगाव जिल्हा आरोग्य अधिकारी डॉ. सचिन भायेकर यांच्या आदेशान्वये व भडगाव तालुका वैद्यकीय अधिकारी डॉ. समाधान वाघ यांच्या मार्गदर्शनाखाली प्राथमिक आरोग्य केंद्र पिंपरखेड येथे २४ मार्च २०२६ रोजी HPV लसीकरण सत्राचा शुभारंभ करण्यात आला.
उद्घाटन प्रसंगी उपसरपंच राजूभाऊ कोळी तसेच माजी सरपंच अजय महाजन प्रमुख पाहुणे म्हणून उपस्थित होते.
यावेळी मार्गदर्शन करताना वैद्यकीय अधिकारी डॉ. प्रतीक भोसले यांनी सांगितले की, ही लस पूर्णतः सुरक्षित असून लाभार्थी व पालकांना लसीकरणाचे महत्त्व समजावून सांगण्यात आले आहे. सध्या महिलांमध्ये गर्भाशयमुख कॅन्सरचे प्रमाण वाढत असल्याने १४ वर्षे पूर्ण झालेल्या व १५ वा वाढदिवस न झालेल्या मुलींना ही लस दिली जात आहे.
सोशल मीडियावर पसरत असलेल्या अफवांवर विश्वास ठेवू नये, कारण शासनाकडून कोणतीही लस देण्यापूर्वी तिची संपूर्ण तपासणी केली जाते, असेही त्यांनी स्पष्ट केले. सर्वांनी पुढाकार घेऊन लसीकरण करून घ्यावे, असे आवाहन त्यांनी केले.
कार्यक्रमास डॉ. निलेश देसले, पिंपरखेड व उपकेंद्रांचे अधिकारी-कर्मचारी, गटप्रवर्तक तसेच आशा स्वयंसेविका उपस्थित होत्या.
कार्यक्रमाचे सूत्रसंचालन आरोग्य निरीक्षक संजय सोनार कळवाडीकर यांनी केले, तर आभार प्रदर्शन समुदाय अधिकारी डॉ. आकाश निकाळजे यांनी केले.
