परतूर (प्रतिनिधी) : भारतीय जनता पक्षाचे जेष्ठ व निष्ठावान कार्यकर्ते विठ्ठलराव कदम यांच्या तातडीच्या शस्त्रक्रियेसाठी अखेर ११ लाख रुपयांची व्यवस्था करण्यात आल्याने त्यांच्या कुटुंबीयांना मोठा दिलासा मिळाला आहे. सुरुवातीला मुख्यमंत्री सहायता निधीतून केवळ २ लाख रुपयांचीच मदत मंजूर झाल्याने शस्त्रक्रिया विलंबित झाली होती.
याबाबत भाजपा नेते, माजी मंत्री परतूर-मंठा मतदारसंघाचे आमदार बबनराव लोणीकर यांनी पुढाकार घेत थेट मुख्यमंत्री देवेंद्र फडणवीस यांच्याशी तसेच संबंधित आरोग्य अधिकाऱ्यांशी संपर्क साधला. त्यानंतर ड्रा ओमप्रकाश सदाशिव शेटे यांची प्रत्यक्ष भेट घेऊन प्रकरणाचा पाठपुरावा करण्यात आला.
कदम हे मागील ३५ वर्षांपासून भारतीय जनता पक्षाशी निष्ठेने जोडलेले असून, यापूर्वी त्यांच्यावर एकदा बायपास शस्त्रक्रिया झाली होती. सध्या पुन्हा शस्त्रक्रियेची आवश्यकता निर्माण झाल्याने आर्थिक अडचणीसमोर कुटुंब उभे ठाकले होते.
दरम्यान, डॉ. ओमप्रकाश शेटे यांनी शस्त्रक्रियेसाठी अधिकृत पत्र दिले असून संबंधित रुग्णालयाशी चर्चा पूर्ण झाली आहे. त्यामुळे ११ लाख रुपयांच्या खर्चातून शस्त्रक्रिया करण्यात येणार असल्याचे आमदार बबनराव लोणीकर यांनी स्पष्ट केले आहे. या निर्णयामुळे कदम कुटुंबीयांसह स्थानिक कार्यकर्त्यांमध्ये समाधान व्यक्त करीत आहे.
