सोलापूर (प्रतिनिधी)
प्रधानमंत्री शहरी आवास योजना अंतर्गत सोलापूर जिल्ह्यातील दहिटणे व शेळगी येथे उभारण्यात आलेल्या १३४८ सदनिकांचा लोकार्पण सोहळा आज उत्साहात पार पडला. या कार्यक्रमाचे उद्घाटन राज्याचे मुख्यमंत्री देवेंद्र फडणवीस यांच्या शुभहस्ते करण्यात आले.
या सोहळ्यास पालकमंत्री जयकुमार गोरे तसेच महाराष्ट्र गृहनिर्माण व क्षेत्र विकास प्राधिकरणचे सभापती शिवाजीराव आढळराव पाटील प्रमुख उपस्थित होते.
यावेळी आमदार रणजितसिंह मोहिते पाटील, विजयकुमार देशमुख, सुभाष देशमुख, सचिन कल्याणशेट्टी, समाधान आवताडे, देवेंद्र कोठे, अभिजित पाटील तसेच माजी आमदार राजाभाऊ राऊत यांच्यासह विविध विभागांचे वरिष्ठ अधिकारी मोठ्या संख्येने उपस्थित होते.
या प्रकल्पामुळे सोलापूर जिल्ह्यातील अनेक कुटुंबांचे स्वतःच्या घराचे स्वप्न साकार झाले असून, शहरी भागातील नागरिकांना परवडणारी घरे उपलब्ध करून देण्याच्या दिशेने हा महत्त्वपूर्ण टप्पा मानला जात आहे.
